হোজাই : হোজাইৰ পূব আমতলা গাঁৱত এগৰাকী গৰ্ভৱতী মহিলাৰ মৃত্যুক লৈ সৃষ্টি হৈছে তীব্ৰ চাঞ্চল্যৰ। ঘৰৰ ভিতৰত চিপ লোৱা অৱস্থাত উদ্ধাৰ হয় ছোনিয়া দেৱী নামৰ এগৰাকী মহিলাৰ মৃতদেহ। মৃত মহিলাগৰাকী ছমাহৰ গৰ্ভৱতী বুলি জানিব পৰা গৈছে। ইফালে স্বামী দিলীপ কুমাৰৰ বিৰুদ্ধে উঠিছে পত্নীক হত্যা কৰাৰ অভিযোগ। পত্নীক হত্যা কৰি স্বামীয়ে আত্মহত্যাৰ ৰূপ দিয়াৰ চেষ্টা কৰা বুলি অভিযোগ আনিছে মৃতকৰ আত্মীয়ই। আত্মীয়ৰ অভিযোগ, স্বামী দিলীপে প্ৰায়েই মাৰপিট কৰি আহিছিল পত্নী ছোনিয়াক। ইতিমধ্যে মৃত গৰ্ভৱতী মহিলাৰ পৰিয়ালে স্বামী পৰিয়ালৰ বিৰুদ্ধে ৰুজু কৰিছে গোচৰ। বৰ্তমান আৰক্ষীয়ে ঘটনাৰ প্ৰকৃত তথ্য উদঘাটনৰ বাবে চলাই গৈছে তদন্ত।
