বঙাইগাঁৱত চৰম লজ্জানত ঘটনা । প্ৰেমিক- প্ৰেমিকাৰ ওপৰত মধ্যযুগীয় আসুৰিক অত্যাচাৰ । ভয়- ভাবুকিৰে উলংগ কৰি যৌন কাৰ্য কৰিবলৈ বাধ্য কৰালে একাংশ নৰপিশাচে । পাঁচ নৰপিশাচক আটক । আটকাধীন পাষণ্ড কেইটা-জিৰেণ সৰকাৰ, সেবোৰাম সৰকাৰ, বিল্টু ৰাভা, সুনিত ৰাভা আৰু ডালিম বৰ্মণ ।
এই ঘটনা সংঘটিত হৈছে বঙাইগাঁও সদৰ থানাৰ অধীনৰ পঞ্চগাঁও- কাছুৱাগাঁও সংযোগী ভূমেশ্বৰ পাহাৰৰ বৰঝৰা ৱাটাৰ ফলচ এলেকাত । আনহাতে যৌন কাৰ্য কৰিব দি সমগ্ৰ ঘটনা ভিডিও কৰে নৰপিশাচ কেইটাই । পিছত ধনদাবী কৰে অন্যথা ভিডিও ভাইৰেল কৰাৰ ভাবুকি প্ৰদান কৰে । অভিযোগমতে পিছত প্ৰেমিক গৰাকীক টকা উলিয়াবলৈ এটিএম লৈ পঠাই দিয়ে আৰু কিশোৰী গৰাকীক নৰপিশাচ কেইটাই আৱদ্ধ কৰি ৰাখি নানা যৌন
অত্যাচাৰ(গণ ধৰ্ষণৰ সন্দেহ) চলায় । প্ৰকৃতিৰ নান্দনিক দৃশ্য উপভোগ কৰিব আহি এই জঘন্য, অমানৱীয় পৰিস্থিতিৰ সন্মুখীন হয় প্ৰেমিক- প্ৰেমিকাহাল । প্ৰেমিক- প্ৰেমিকাহালৰ অদ্যপি পৰিচয় উদ্ধাৰ হোৱা নাই । ঘটনাটোৱে বঙাইগাঁৱত তীব্ৰ প্ৰতিক্ৰিয়াৰ সৃষ্টি কৰিছে । যোৱাকালি সমগ্ৰ ভিডিও ভাইৰেল হৈ পৰাত সমগ্ৰ ঘটনা পোহৰলৈ আহে । বঙাইগাঁৱৰ ঘটনাক গৰিহণা সচেতন লোকৰ৷ দোষীক কঠোৰ শাস্তি দিয়াৰ দাবী অঞ্চলবাসীৰ ৷