নিউজ ডেস্কঃ অৱশেষত বিতৰ্কিত তিনি কৃষি আইন প্ৰত্যাহাৰ কৰাৰ কথা ঘোষণা কৰিলে কেন্দ্রীয় চৰকাৰে। এই ঘোষণাৰ পিছত কৃষক নেতা ৰাকেশ টিকাইতে প্ৰতিক্ৰিয়া প্ৰকাশ কৰে যে আন্দোলন এতিয়াই স্তব্ধ নহয়। সংসদত যেতিয়ালৈকে কাগজে – কলমে তিনি কৃষি আইন বাতিল নকৰে তেতিয়ালৈকে এই আন্দোলন চলি থাকিব। প্ৰধানমন্ত্ৰীয়ে তিনি কৃষি আইন প্ৰত্যাহাৰৰ ঘোষণা কৰাৰ পিছতেই টুইটযোগে এই মন্তব্য প্ৰকাশ কৰিছে ভাৰতীয় কিষাণ ইউনিয়নৰ নেতা ৰাকেশ টিকাইতে। লগতে নেতা গৰাকীয়ে কয় যে কৃষক সকলৰ অন্যান্য সমস্যাৰ লগতে নূন্যতম সমৰ্থিত মুল্য MSP ক লৈও আলোচনা কৰক কেন্দ্রীয় চৰকাৰে।
