ডিব্ৰুগড় জিলাৰ টেঙাখাত আৰক্ষী থানা অন্তগত টেঙাখাতৰ গেছ গোদামৰ সমূখত ভয়ংকৰ পথ দূৰৰ্ঘটনা সংঘটিত হয় ৷জানিব পৰা মতে AS06BC 2414 নম্বৰৰ ইনদিকো গাড়ীৰখন দুলিয়াজানৰ পৰা ডিব্ৰুগড়ৰ অভিমূখে আহি থকাত অৱস্থাত বিপৰীত দিশৰ পৰা অহা R 15 ইয়মা বাইক ৰ মাজত মূখামূখী সংঘৰ্ষৰ হোৱা বাইক আৰোহীজন বহু দূৰৈত চিটিকি পৰে ৷ সংকটজনক অৱস্থাত আৰক্ষী আৰু স্থানীয় ৰাইজৰ সহযোগত বাইক আৰোহীজনক টেঙাখাত মহাত্মা গান্ধী আদৰ্শ চিকিৎসালয়লৈ আনে যদিও চিকিৎসকে মৃত বুলি ঘোষণা কৰে।জানিব পৰা মতে বাইক আৰোহীজন তামুলীখাতৰ গাঁৱৰ পংকজ গগৈ পুত্ৰ সিদ্বাৰ্থ গগৈ (২৫)
পৰৱৰ্তী সময়ত আৰক্ষী য়ে মৃতদেহটো মৰণোত্তৰ পৰীক্ষাৰ বাবে অসম চিকিৎসা মহাবিদ্যালয়লৈ প্ৰেৰণ কৰে ৷যুৱকজনৰ মৃত্যুত সমগ্ৰ টেঙাখাতত শোঁকৰ ছাঁ পৰিলক্ষিত হয় ৷অধিক তথ্য বাবে টেঙাখাত আৰক্ষীয়ে ঘটনাটো তদন্ত অব্যাহত ৰাখিছে ৷