খাৰুপেটীয়াত এডোখৰ ভূমিক লৈ পিতা -পুত্ৰৰ ভয়ংকৰ সংঘাত । ডেগাৰেৰে বোৱাৰীক আক্ৰমণ শশুৰক । শিশুৰ মূৰতো ডেগাৰেৰে আক্ৰমণ ।
দৰঙৰ খাৰুপেটীয়াত সংঘটিত হৈছে এক চান্চল্যকৰ ঘটনা । খাৰুপেটীয়া আৰক্ষী থানাৰ অন্তৰ্গত এন চি খেতাশ্বৰ গাঁৱৰ মৃত মবেৰ আলীৰ পুত্ৰ দহিজল হকে পুত্ৰ বোৱাৰীক ডেগাৰেৰে আক্ৰমণ কৰে । অভিযোগ মতে , দহিজল হক আৰু পুত্ৰ ইক্ৰামুল হকে মিলি এডোখৰ মাটি কিনি ঘৰ সাজি বসবাস কৰি আহিছে ।
কিন্তু সামান্য কাজিয়া লাগিলেই ঘৰৰ পৰা ওলাই দিয়াৰ চেষ্টা কৰে পুত্ৰ ইক্ৰামুলক । শুক্ৰবাৰে কণ কণ শিশু সকলৰ কাজিয়াৰ গইনা লৈ ইক্ৰামুলৰ পত্নীৰ ওপৰত শাৰীৰিক আক্ৰমণ কৰে দহিজল হকৰ লগতে পত্নী আৰু বিবাহিত কন্যা সকলে । ঘটনাৰ খবৰ পাই পত্নীক ৰক্ষা কৰিবলৈ আগবাঢ়ি যায় ইক্ৰামুল । কিন্তু খঙত অগ্নিশৰ্মা হৈ থকা পিতৃ দহিজল হকে ডেগাৰ লৈ খেদি অহাত দৌৰি পলায়ন কৰে পুত্ৰ ইক্ৰামুলে । পুত্ৰ ৰক্ষা পৰে যদিও ডেগাৰেৰে আক্ৰমণ কৰে শিশু নাতিনীক আৰু বোৱাৰী মাছুমা বেগমক ।
ডেগাৰৰ আক্ৰমণত গুৰুতৰ ভাৱে আহত হয় ১ বছৰীয়া শিশু সহ ইক্ৰামুল হকৰ পত্নী । লগে লগে খাৰুপেটীয়া খণ্ড প্ৰাথমিক চিকিৎসালয়লৈ নিয়া হয় যদিও চিকিৎসকে মঙলদৈ অসামৰিক চিকিৎসালয়লৈ প্ৰেৰণ কৰে আৰু তাৰ পৰা জি এম চি এইচ লৈ প্ৰেৰণ কৰে ।
বৰ্তমান জি এম চি এইচত চিকিৎসাধীন হৈ আছে মাতৃ কন্যা । এই ঘটনাই তীব্ৰ প্ৰতিক্ৰিয়াৰ সৃষ্টি কৰিছে অঞ্চলটোত । ঘটনা সন্দৰ্ভত খাৰুপেটীয়া আৰক্ষী থানাত এজেহাৰ দাখিল কৰি ন্যায় বিচাৰি আৰক্ষী প্ৰশাসনৰ ওচৰত কাতৰ আহ্বান জনাইছে ভুক্তভোগী পৰিয়ালে ।