বাজেটত বিত্তমন্ত্ৰী নিৰ্মলা সীতাৰমণে অসমৰ বাবে দিলে সুখবৰ

কেন্দ্ৰীয় বিত্তমন্ত্ৰী নিৰ্মলা সীতাৰমণে ডিজিটেল পদ্ধতিৰে দাখিল কৰিলে ২০২১-২০২২বৰ্ষৰ বাজেট । সংসদত প্ৰথমবাৰৰ বাবে দাখিল কৰা হ’ল কাগজবিহীন বাজেট। ২০২১-২২ৰ বাজেটত অসমৰ বাবে বিশেষ পেকেজ ঘোষণা বিত্তমন্ত্ৰী নিৰ্মলা সীতাৰমণৰ। আগন্তুক তিনিটা বৰ্ষৰ ভিতৰত অসমত ১৩০০ কিলোমিটাৰৰ নতুন ঘাইপথ নিৰ্মাণৰ প্ৰস্তাৱ এই বাজেটত। লগতে অসমৰ ৰাষ্ট্ৰীয় ঘাইপথৰ বাবে মুঠ ৩৪০০কোটি টকা ধাৰ্য কৰা হ’ল বাজেটত। অসম, তামিলনাডু, পশ্চিমবংগ আৰু কেৰালাৰ ঘাইপথ নিৰ্মাণৰ ক্ষেত্ৰত ঘোষণা কৰা হ’ল বিশেষ পেকেজ। তামিলনাডুত ১.০৩ লাখ কোটি টকাৰ ব্যয়েৰে নিৰ্মাণ কৰা হ’ব ৩৫০০কিলোমিটাৰৰ ৰাষ্ট্ৰীয় ঘাইপথ। লগতে কেৰালাৰ ১১০০ কিলোমিটাৰৰ আন্তঃগাঁথনিৰ নিৰ্মাণৰ বাবে ধাৰ্য কৰা হয় ৬৫ হাজাৰ কোটি। তাৰোপৰি পশ্চিমবংগৰ ৰাষ্ট্ৰীয় ঘাইপথৰ নিৰ্মাণৰ বাবে মুঠ ২৫০০০কোটিৰ বাজেট ঘোষণা বিত্তমন্ত্ৰী নিৰ্মলা সীতাৰমণৰ ।