গোলাঘাট
দীৰ্ঘদিনীয়া লকডাউন চলি থকাৰ পৰিপ্ৰেক্ষিতত সাধাৰণ খাটি খোৱা ৰাইজৰ পানীত হাঁহ নচৰা অৱস্থাৰ সৃষ্টি হৈছে। এনে লোকসকলক কিঞ্চিৎ সহায় কৰাৰ উদ্দেশ্যে গোলাঘাটৰ শ্ৰী সত্য সাই সেৱা সমিতিৰ দ্বাৰা খাদ্য সামগ্ৰী বিতৰণ কৰা হয়। গোলাঘাটৰ কাবৰুগাঁও অঞ্চলত সত্য সাই সেৱা সমিতিৰ বিষয়ববীয়াসকলে আৰ্থিকভাৱে দুৰ্বল প্ৰায় ৫৫ টা পৰিয়ালৰ মাজত খাদ্য সামগ্ৰীৰ টোপোলা বিতৰণ কৰে। ভগৱান সত্য সাই বাবাৰ আশীৰ্বাদ আৰু প্ৰয়াত অপূৰ্ব কুমাৰ বৰগোহাঁইয়ে আৰ্তজনক সহায় কৰাৰ বাবে দেখুৱাই যোৱা পথৰ পথিক হিচাপে এই কাৰ্যসূচী ৰূপায়ণ কৰা হয় বুলি শ্ৰী সত্য সাই সেৱা সমিতিৰ বিষয়ববীয়াসকলে জানিবলৈ দিয়ে।