গুৱাহাটী, ১৩ নৱেম্বৰঃ প্ৰাকৃতিক, ঐতিহাসিক, সাংস্কৃতিক সমলৰে ভৰপূৰ অসমত এতিয়া দেশী-বিদেশী পৰ্যটকে(Foreign Tourists) ভিৰ কৰিছে।
কলিয়াবৰতো লুইতৰ বুকুৰে জাহাজত অসম ভ্ৰমণলৈ আহিছে বিদেশী পৰ্যটক। সোমবাৰে আৰ ভি কিণ্ডত পাণ্ডৱত আহি শিলঘাটত(Shilghator Jahaz Ghat) লঙ্গৰ পেলোৱাৰ পাছত শিলঘাটৰ লুইতপৰীয়া গাঁও(Luitparia village) ফুৰিবলৈ ওলাল বিদেশী পৰ্যটক।
গাঁৱৰ মানুহৰ ঘৰত গৈ বহি বিদেশী পৰ্যটকে বুজ ল’লে গ্ৰাম্যঞ্চলৰ পৰিৱেশৰ সবিশেষ। শিলঘাট-ৰৱৰবাৰীৰ এনে দৃষ্টিনন্দন দৃশ্যই তাৰেই উমান দিছে।
যি গ্ৰাম্য পৰ্যটনৰ সম্ভাৱনীয়তা উন্মোচন কৰিছে। কলিয়াবৰৰ শিলঘাট জাহাজ ঘাট বিদেশী পৰ্যটকে কোলাত তুলি ল’লে ছাগলী পোৱালি। কণমানি ছাত্ৰীয়ে বিদেশী পৰ্যটকক গামোচা পিন্ধাই আদৰণি জনায়।
বিদেশী পৰ্যটকক হাতত ধৰি বিহু নচুৱাই অসমীয়া মাধ্যমত পঢ়া দুই কণমানিয়ে বিদেশী পৰ্যটকৰ লগত ইংৰাজী ভাষাতে কথা পাতি গাঁৱৰ পৰিৱেশৰ বিষয়ে বুজাবলৈ চেষ্টা কৰে।
কলিয়াবৰৰ শিলঘাট নদী ঘাটত ‘আৰ ভি কিণ্ডত পাণ্ডৱ'(R V Kindot Pandavas) জাহাজৰে উপস্থিত ছুইজাৰলেণ্ড(Switzerland), ইউৰোপৰ পৰা ১৪গৰাকী বিদেশী পৰ্যটকৰ দল।
বিদেশী পৰ্যটকৰ এই ভ্ৰমণে কলিয়াবৰৰ গ্ৰাম্য পৰ্যটনলৈ এক নতুন সম্ভাৱনীয়তা কঢ়িয়াই আনিছে। কলিয়াবৰৰ শিলঘাট-ৰৱৰবাৰী গাঁও পৰিদৰ্শন কৰি আনন্দিত হৈ উঠে বিদেশী পৰ্যটকৰ দলটো।