ওদালগুৰি জিলাৰ অন্তৰ্গত পানেৰী প্ৰতিশোধক স্বাস্থ্য কেন্দ্ৰৰ তত্বাবধনত বেংবাৰীত অৱস্থিত উপ-স্বাস্থ্য কেন্দ্ৰৰ কমিউনিটি হেল্থ বিষয়া গ্ৰেছি দৈমাৰীয়ে বিভগীয় কৃতপক্ষৰ নিৰ্দেশ মৰ্মে বেংবাৰী নৱজ্যোতি সংঘ প্ৰেক্ষাগৃহত আজি এখনি সভা আহ্বান কৰে।
অৱসৰ প্ৰাপ্ত শিক্ষক দেবজিৎ ডেকাৰ সভাপতিত্ব সভাত পানেৰী প্ৰতিশোধক স্বাস্থ্য কেন্দ্ৰৰ বিষয়া ড: দীপক কুমাৰ দেউৰী, উপ-স্বাস্থ্য কেন্দ্ৰৰ কৰ্মচাৰী কেলছিনীয়া বাৰা, অনুপা দেবী, দেবব্ৰত ভবৰা, আশা কৰ্মী সকলৰ লগতে অঞ্চলটোৰ বহু বিশিষ্ট ব্যক্তি উপস্থিত থাকে।সভাত ডা: দেউৰী দেবে জন আৰোগ্য সমিতিৰ লক্ষ্য-উদ্দেশ্য বহল ভাবে কয় । উক্ত জন আৰোগ্য সমিতি সন্দৰ্ভত স্থানীয় সমাজ সেৱক খৰ্গধৰ মেধি, পুস্পৰাম নাথ, দুৰ্গেশ্বৰ কুমাৰ, প্ৰান্জল মোছাহাৰি আদিয়ে মন্তব্য আগবঢ়ায়। বিভগীয় কৃতপক্ষৰ নিৰ্দেশ মৰ্মে দেবজিৎ দেকাক সভাপতি, গ্ৰেছি দৈমাৰীক সম্পাদক আৰু বিভগী্য কৃতপক্ষ বিষয়া আৰু অঞ্চলটোৰ সমাজিক লোকক লৈ এখন ১৪ জনীয়া জন আৰোগ্য সমিতি গঠন কৰে।