দিল্লীৰ প্ৰাক্তন উপ-মুখ্যমন্ত্ৰী মনীষ ছিছোদিয়াৰ জামিন মঞ্জুৰ। আবকাৰী গোচৰত জামিন মঞ্জুৰ কৰিলে সৰ্বোচ্চ ন্যায়ালয়ে। বিগত এবছৰৰো অধিক কাল কাৰাবন্দী হৈ আছিল ছিছোদিয়া।
মনীষ চিছ’দিয়াক জামিন প্ৰদান কৰা উচ্চতম ন্যায়ালয়ৰ সিদ্ধান্তক “সত্যৰ জয়” বুলি অভিহিত কৰি শুকুৰবাৰে আম আদমী পাৰ্টিয়ে আশা প্ৰকাশ কৰে যে আন কাৰাগাৰত থকা দলৰ নেতাসকলেও “ন্যায় লাভ” কৰিব। আনহাতে বিজেপিয়ে কয় যে মনীষ ছিছ’দিয়াই জামিন পাইছে, গোচৰটোত তেওঁক দোষমুক্ত কৰা হোৱা নাই।
দিল্লীৰ মুখ্যমন্ত্ৰী তথা আম আদমি পাৰ্টিৰ আহ্বায়ক অৰবিন্দ কেজৰিৱালৰ পত্নী সুনীতা কেজৰিৱালে মনীষ চিছ’দিয়াৰ জামিনক লৈ প্ৰতিক্ৰিয়া প্ৰকাশ কৰিছে। তেওঁ কৈছে যে ঈশ্বৰৰ ঘৰত পলম হয়, আন্ধাৰ নহয়।
আপৰ ৰাজ্যসভাৰ সাংসদ ৰাঘৱ চাধাই ছ’চিয়েল মিডিয়া প্লেটফৰ্ম ‘এক্স’ত এক পোষ্টযোগে কয় যে, ‘দিল্লীৰ শিক্ষা বিপ্লৱৰ নায়ক মনীষ ছিছ’দিয়াই জামিন লাভ কৰাত আজি সমগ্ৰ দেশ সুখী।