ৰঙাচকুৱাৰ জেষ্ঠ সমাজকৰ্মী, শিক্ষক ৰাজীৱ শৰ্মাৰ শিক্ষাৰ্থীৰ মাজত বিনামুলীয়াকৈ মাক্স বিতৰণ
দৈনন্দিন বাৰ্তাৰ সেৱা, ইটাখোলা, ৯ নৱেম্বৰঃ শোণিতপুৰ জিলাৰ উত্তৰ জামুগুৰিস্থিত ৰঙাচকুৱা অঞ্চলৰ জেষ্ঠ সমাজকৰ্মী তথা শিক্ষক ৰাজীব শৰ্মাই চৰকাৰে নিৰ্ধাৰিত নিয়ম অনুসৰি ক’ভিড পটৰ্কল মানি চলি বিদ্যালয়সমুহ খোলাৰ সময়তে ৰঙাচকুৱা উচ্চতৰ মাধ্যমিক বিদ্যালয়ৰ লগতে ৰঙাচকুৱা মধ্য ইংৰাজী বিদ্যালয়ৰ প্ৰায় দুশৰো অধিক শিক্ষাৰ্থীক সম্পূৰ্ণ বিনামুলীয়াকৈ মাক্স বিতৰণ কৰাৰ পদক্ষেপ সচাঁই প্ৰশংসনীয়।
ৰঙাচকুৱা উচ্চতৰ মাধ্যমিক বিদ্যালয়ৰ শিক্ষক অঞ্জন বৰা, নাৰায়ন পখ্ৰেল, ৰাজেন শৰ্মাৰ তত্বাৱধানত অঞ্চলটিৰ জেষ্ঠ সমাজকৰ্মী তথা শিক্ষক ৰাজীৱ শৰ্মাই মেডিকেল যুক্ত তিনিতৰপীয়া মাক্স সমুহ প্ৰদান কৰে। ৰাজীৱ শৰ্মাই জানিবলৈ দিয়া অনুসৰি দৰিদ্ৰ পৰিয়ালৰ শিক্ষাৰ্থীসকল মাক্স নোহোৱাৰ বাবে বিদ্যালয়ত উপস্থিত থাকিব পৰা নাই।
ছাত্ৰ-ছাত্ৰী সকলে বৰ্তমানে নিয়মীত বিদ্যালয়ত উপস্থিত হৈ বৰ্ষটিত হোৱা শৈক্ষিক ক্ষতি পূৰণত সহায়ক হোৱাৰ বাবে তেখেতৰ এই পদক্ষেপ বুলি কয়। তেওঁৰ এনে ব্যতিক্ৰমী পদক্ষেপৰ বাবে অঞ্চলবাসীয়ে ভূয়সী প্ৰশংসা কৰে।