শীতকালত সুস্থ হৈ থাকিব বিচাৰিলে ফলমূল খোৱাটো গুৰুত্বপূৰ্ণ। শীতকালত চৰ্দি আৰু কাহৰ সমস্যা বেছিকৈ দেখা যায়। লগতে শীতকালত আমাৰ ৰোগ প্ৰতিৰোধ ক্ষমতা আন ঋতুতকৈ অলপ দুৰ্বল হয়।(Fruits in Winter) গতিকে আপুনি সহজেই ৰোগৰ পৰা সংক্ৰমিত হ’ব পাৰে। আনহাতে বিভিন্ন প্ৰকাৰৰ ফল-মূলে এই ৰোগবোৰৰ পৰা আঁতৰি থাকিবলৈ আমাক সহায় কৰে। গতিকে শীতকালত কি কি ফল খাব লাগে, জানি লওক।(Fruits Health Benefits)
কমলা – শীতকালত ভিটামিন চি সমৃদ্ধ কমলা খাব পাৰে। ভিটামিন চি সমৃদ্ধ ফল-মূলে আমাৰ শৰীৰত সংক্ৰমণ হ’বলৈ নিদিয়ে। ইয়াৰ উপৰিও ভিটামিন চি সমৃদ্ধ ফলবোৰে আমাৰ শৰীৰৰ ৰোগ প্ৰতিৰোধ ক্ষমতা বৃদ্ধি কৰে। ভিটামিন চি সমৃদ্ধ ফল আমাৰ চুলি আৰু ছালৰ বাবেও উপকাৰী।
আপেল – আপেল দৈনিক খাব পাৰে। আপেল খালে কলেষ্টেৰলৰ মাত্ৰা নিয়ন্ত্ৰণত থাকে। ফলত আপেল খালে হৃদযন্ত্ৰৰ স্বাস্থ্য ভালে থাকে। আপেলত প্ৰচুৰ পৰিমাণে এন্টিঅক্সিডেন্টো থাকে। শীতকালত প্ৰতিদিনে এটা আপেল খাব পাৰে।
অমিতা – অমিতা অন্যতম স্বাস্থ্যকৰ ফল। অমিতা খালে আপুনি বহুতো উপকাৰ পাব। অমিতাত খাদ্য আঁহ থাকে। গতিকে এই ফল খালে আপুনি বদহজমৰ সমস্যাৰ পৰা মুক্তি পাব। লগতে কোষ্ঠকাঠিন্যৰ সমস্যা দূৰ হ’ব। অমিতাত ভিটামিন চি-অ’ থাকে। গতিকে শীতকালত অমিতা খাব পাৰে।