ভাৰতীয় জাতীয় কংগ্রেছ দলৰ প্ৰধান নীতি-নিৰ্ধাৰণ কমিটি হিচাবে পৰিগণিত হোৱা Congress Working Committee (CWC) খন আজি দলৰ সভাপতি মল্লিকাজুৰ্ন খৰ্গে গঠন কৰি ঘোষণা কৰে। কংগ্ৰেছ দলৰ কাৰ্য্যকৰী সমিতিত ৩৯ জন নেতাৰ নাম অন্তৰ্ভুক্ত কৰা হৈছে। ২০২৩ চনৰ গুৰুত্বপূৰ্ণ বিধানসভা নিৰ্বাচনৰ পূৰ্বে আজি কংগ্ৰেছ পাৰ্টিৰ ৰাষ্ট্ৰীয় সভাপতি মল্লিকাৰ্জুন খৰ্গে নিজৰ নতুন দলৰ তালিকা প্ৰকাশ কৰিছে। মল্লিকাৰ্জুন খৰ্গেৰ নতুন দলতো স্থান লাভ কৰিছে শচীন পাইলটে। একে সময়তে জি-২৩ গোটৰ শশী থাৰুৰ আৰু আনন্দ শৰ্মাকো কংগ্ৰেছ ৱৰ্কিং কমিটিত অন্তৰ্ভুক্ত কৰা হৈছে। নতুনকৈ গঠন হোৱা এই তালিকাত স্থান লাভ কৰিছে
নতুন কাৰ্য্যকৰী সমিতিৰ ঘোষণা। দলৰ সভাপতি মল্লিকাৰ্জুন খাৰ্গেৰ লগতে প্ৰাক্তন ৰাষ্ট্ৰপতি ছোনিয়া গান্ধী, প্ৰাক্তন প্ৰধানমন্ত্ৰী মনমোহন সিং আৰু ৰাহুল গান্ধীকে ধৰি কেইবাগৰাকীও জ্যেষ্ঠ নেতাক নতুন কংগ্ৰেছ ৱৰ্কিং কমিটীত স্থান দিয়া হৈছে। দলটোৰ সংগঠনৰ সাধাৰণ সম্পাদক কে চি ভেনুগোপালে জাৰি কৰা এক বিবৃতি অনুসৰি কংগ্ৰেছৰ কাৰ্যকৰী সমিতিত ৩৯ জন সদস্য, ৩২ জন স্থায়ী আমন্ত্ৰিত আৰু ৯ জন বিশেষ আমন্ত্ৰিতক অন্তৰ্ভুক্ত কৰা হৈছে।
তথ্য অনুসৰি কংগ্ৰেছ দলৰ চাৰিটা ফৰৱাৰ্ড সংগঠন – যুৱ কংগ্ৰেছ, এন এছ ইউ আই, মহিলা কংগ্ৰেছ আৰু সেৱা দলৰ মুৰব্বীসকল চি ডব্লিউ চিৰ পদমৰ্মে সদস্য হ’ব। কওঁ কংগ্ৰেছ দলৰ সভাপতি মল্লিকাৰ্জুন খাৰ্গে যোৱা বছৰৰ অক্টোবৰ মাহত নিৰ্বাচনৰ পিছত দায়িত্ব গ্ৰহণ কৰিছিল। প্ৰায় ১০ মাহৰ অন্তত তেওঁ গঠন কৰিছে এখন নতুন কাৰ্য্যকৰী সমিতি। এই তালিকাত প্ৰিয়ংকা গান্ধী, এ কে এণ্টনি, মীৰা কুমাৰ, দিগবিজয় সিং, পি চিদাম্বৰম, আনন্দ শৰ্মা, শশী থাৰুৰকে ধৰি একাংশ জ্যেষ্ঠ নেতাক স্থান দিয়া হৈছে।