উৎকোচ লোৱাৰ অভিযোগত উদ্যোগপতি গৌতম আদানী আৰু সাতজন লোকৰ বিৰুদ্ধে আমেৰিকাৰ আদালতৰ গ্ৰেপ্তাৰৰ পৰোৱানাৰে সন্দৰ্ভত মুখ খুলিলে ভাৰত চৰকাৰে। ভাৰতৰ বৈদেশিক পৰিক্ৰমা মন্ত্ৰালয়ৰ তথ্য অনুসৰি আদানীৰ গ্ৰেপ্তাৰৰ পৰোৱানা সন্দৰ্ভত এতিয়াও আমেৰিকাই যোগাযোগ কৰা নাই ভাৰত চৰকাৰৰ সৈতে।(Gautam Adani)
আনহাতে ভাৰতৰ বৈদেশিক পৰিক্ৰমা মন্ত্ৰালয়ে স্পষ্ট কৰি দিছে যে আমেৰিকাত আদানীৰ সৈতে জড়িত আইনী প্ৰক্ৰিয়াৰ সৈতে চৰকাৰৰ কোনো সম্পৰ্ক নাই। শুকুৰবাৰে বৈদেশিক পৰিক্ৰমা মন্ত্ৰালয়ৰ মুখপাত্ৰ ৰন্ধীৰ জয়ছৱালে এক প্ৰেছ বিবৃতিত কয় যে এয়া আমেৰিকাৰ ন্যায়পালিকা আৰু ব্যক্তিৰ মাজত আইনী বিষয়, কিন্তু নতুন দিল্লীয়ে কয় যে কেৱল প্ৰতিষ্ঠিত আইনী আৰু পদ্ধতিগত পদক্ষেপহে অনুসৰণ কৰা হ’ব।(Gautam Adani in Bribery Case)
শেহতীয়াকৈ আদানীক আমেৰিকাৰ আদালতে চৰকাৰী বিষয়াক উৎকোচ দিয়াৰ অভিযোগ উত্থাপন কৰিছিল। আনকি গ্ৰেপ্তাৰৰ পৰোৱানা জাৰি কৰা হৈছে। অভিযোগ অনুসৰি বজাৰৰ তুলনাত অধিক মূল্যত সৌৰশক্তি বিক্ৰী কৰাৰ বাবে কোটেচন লাভ কৰিবলৈ অন্ধ্ৰ প্ৰদেশকে ধৰি কেইবাখনো ৰাজ্যৰ চৰকাৰী বিষয়াক ২২৩৭ কোটি টকাৰ উৎকোচ দিয়াৰ অভিযোগ আদানীৰ বিৰুদ্ধে।