প্ৰেমিকৰ ওপৰত খঙত প্ৰেমিকাগৰাকীয়ে প্ৰথমে প্ৰেমিকক তাইৰ ওচৰলৈ মাতিছিল, হত্যাৰ ভাবুকি দিছিল। আদালতত তাইক বিয়া কৰাইছিল। ইয়াৰ পিছতে হোটেলত ছুৰীৰে প্ৰেমিকৰ ব্যক্তিগত অংশটো কাটি পেলালে।
বুধবাৰে এই সমগ্ৰ ঘটনা সংঘটিত হৈছিল পাটনাৰ এগজিবিচন ৰোডত অৱস্থিত এখন হোটেলত। প্ৰেমিকক তাৎক্ষণিক চিকিৎসাৰ বাবে পিএমচিএইচলৈ প্ৰেৰণ কৰাৰ বিপৰীতে প্ৰেয়সীগৰাকীক আৰক্ষীয়ে গ্ৰেপ্তাৰ কৰিছে।
প্ৰেমিকজন চি আৰ পি এফ জোৱান। ৫ জুনত পাটনা চহৰৰ অসামৰিক আদালতত দুয়োৰে বিবাহ হয়। পিএমচিএইচৰ চিকিৎসকগৰাকীৰ মতে, চিআৰপিএফৰ জোৱানৰ ব্যক্তিগত অংশ ৬০ শতাংশ কৰ্তন কৰা হৈছে।
ছত্তীশগড়ৰ সুকমাত তেওঁ কৰ্মৰত। প্ৰেমিকাগৰাকী দৰভঙাৰ বাসিন্দা। চাৰি বছৰ পাটনাত থাকি পঢ়া-শুনা কৰিছিল। চি আৰ পি এফ জোৱান সীতামৰ্হিৰ বাসিন্দা। দুয়োজনেই ঘনিষ্ঠ আত্মীয়ও।
গান্ধী মৈদান আৰক্ষী থানাই পিএমচিএইচলৈ গৈ ২৯ বছৰীয়া জোৱানৰ বক্তব্য লয়। অৱশ্যে এই সন্দৰ্ভত কোনো কথা ক’বলৈ সাজু হোৱা নাই। গান্ধী মৈদান থানাৰ এজন এছ আইয়ে অফ ৰেকৰ্ডক জনাইছে যে প্ৰেমিকাক গ্ৰেপ্তাৰ কৰা হৈছে। ঘটনা সন্দৰ্ভত তথ্য লাভ কৰাৰ পিছতে পিএমচিএইচত উপস্থিত হৈছে জোৱানৰ ভায়েক আৰু অন্যান্য আত্মীয়।