নগাঁৱত ৩০ জুলাইত অনুষ্ঠিত হোৱা “নগাঁও নিয়োগ মেলা ২০২৩” ত দেশৰ প্ৰায় ৬৮টা কোম্পানীৰ কাৰ্যবাহী বিষয়া, এইছ আৰ বিষয়া, সহযোগী প্ৰবন্ধকৰ উপস্থিতিত আয়োজিত নিয়োগ মেলাত চাকৰি প্ৰাৰ্থী প্ৰায় ছয় হাজাৰ যুৱক যুৱতীয়ে অংশগ্ৰহণ কৰিছিল। ইয়াৰ মাজৰ পৰা প্ৰায় ২৮১১ গৰাকী নিযুক্তিৰ বাবে নাম তালিকাত অন্তৰ্ভুক্ত হৈছে। তাৰ অংশস্বৰূপে দেওবাৰে অনুষ্ঠিত এক অভিনন্দন অনুষ্ঠানত ছশ গৰাকীক নিযুক্তি পত্ৰ আনুষ্ঠানিক ভাৱে বিতৰণ কৰাৰ লগতে সাংসদ প্ৰদ্যুৎ বৰদলৈয়ে অভিনন্দন পত্ৰ প্ৰদান কৰে।
অনুষ্ঠানত নগাঁও জিলা কংগ্ৰেছৰ সভাপতি সুৰেশ বৰা,অসম প্ৰদেশ কংগ্ৰেছ কমিতিৰ সম্পাদক মৃনাল হাজৰিকা,বটদ্ৰৱাৰ বিধায়িকা শিৱামণি বৰা নিয়োগ মেলাত বিশেষভাৱে সহায় সহযোগিতা আগবঢ়োবা প্ৰতিষ্ঠান কুউছৰ বিষয়ববীয়া বিনোদ সিং, উপাসনা চক্ৰৱৰ্তী আদিয়ে অংশগ্ৰহণ কৰে।