সমগ্ৰ ৰাজ্যৰ লগতে বৰপেটাৰোডতো মঙলবাৰে ব্যাপক আনন্দ উল্লাসৰ মাজেৰে দেৱী দুৰ্গাক বিসৰ্জন কাৰ্যসূচী সুকলমে সম্পন্ন হৈ যায়।
বৰপেটাৰোড আৰু ইয়াৰ আশেপাশে থকা পূজা মণ্ডপৰ দেৱী দুৰ্গাক সৰুবৰ বাহনেৰে কঢ়িয়াই আনি মৰা মানাহত বিসৰ্জন দিয়ে৷ শাৰদীয় দুৰ্গা পূজাৰ বিগত দিন কেইটাত বৰপেটাৰোডত কোনোধৰণৰ অপ্ৰীতিকৰ পৰিস্থিতিৰ সৃষ্টি হোৱা নাই।
দেৱী বিসৰ্জনৰ দিনাও বৰপেটাৰোডত যাতে কোনোধৰণৰ অপ্ৰীতিকৰ পৰিস্থিতিৰ সৃষ্টি নহয় তাৰবাবে বৰপেটাৰোড আৰক্ষীয়ে নিৰাপত্তা ব্যৱস্থা কটকটীয়া কৰি তুলিছে৷ বৰপেটাৰোডৰ আৰক্ষীৰ সহযোগত বৰপেটাৰোডৰ বিষ্ণু-জ্যোতি সৰোবৰৰ মৰা মানাহত ভক্তপ্ৰাণ ৰাইজে দেৱী দুৰ্গাক বিসৰ্জন দিয়ে ৷
-আমিনুল হক, বৰপেটা ৰোড