১৯ ডিচেম্বৰ, ২০২৪ঃ Guwahati Press Club।গুৱাহাটী প্ৰেছ ক্লাবত প্ৰতিবাদত বহিল সাংবাদিক । সাংবাদিকৰ সুৰক্ষা সুনিশ্চিত কৰিবলৈ চৰকাৰলৈ দাবী। সাংবাদিকৰ সুৰক্ষাৰ বাবে আইন অনাৰ দাবী প্ৰতিবাদী সাংবাদিকৰ ।
অসম প্ৰদেশ কংগ্ৰেছ কমিটীৰ ‘ৰাজভৱন চলো’ কাৰ্যসূচীৰ মাজতে কৰ্তব্যৰত সাংবাদিকক আৰক্ষীয়ে কন্দুৱা গেছ প্ৰয়োগ কৰাৰ ঘটনাৰ বিৰুদ্ধে প্ৰতিবাদন ।
গুৱাহাটী প্ৰেছ ক্লাবত প্ৰতিবাদত বহিল সাংবাদিক , কলা বেজ পৰিধান...
গুৱাহাটী প্ৰেছ ক্লাবৰ উদ্যোগত বিভিন্ন সংবাদ প্ৰতিষ্ঠানত কৰ্মৰত সাংবাদিকসকলে প্ৰেছ ক্লাবৰ সন্মুখত অৱস্থান কৰাৰ লগতে কলা বেজ পৰিধান কৰে । প্ৰেছ ক্লাবৰ সভাপতি সুস্মিতা গোস্বামীয়ে সাংবাদিকৰ ওপৰত হোৱা অত্যাচাৰৰ প্ৰতিবাদ কৰি কৰ্তব্যৰত সাংবাদিকৰ সুৰক্ষাৰ বাবে এখন আইনৰো দাবী তোলে। তেওঁ কয়- ‘ ‘আমি যিহেতু কৰ্তব্যৰত অৱস্থাত থাকো, সেয়ে সাংবাদিক সুৰক্ষা আইন এখন আমাক খুব প্ৰয়োজন হৈ পৰিছে। যিধৰণে চিকৎসকৰ বাবে, আৰক্ষীৰ বাবে বা আন চৰকাৰী কৰ্তব্যৰত কৰ্মচাৰীৰ সুৰক্ষাৰ বাবে আইন আছে, তেনে সুৰক্ষা ব্যৱস্থা
সাংবাদিকসকলৰ বাবেও খুব দৰকাৰ হৈ পৰিছে। চৰকাৰৰ ওচৰত এয়া আমাৰ দাবী।” উল্লেখ্য যে, বুধবাৰৰ কংগ্ৰেছৰ ৰাজভৱন চলো কাৰ্যসূচীৰ মাজতে আৰক্ষীয়ে কন্দুৱা গেছ নিক্ষেপ কৰিছিল। এই ঘটনাত বহু কেইজন সাংবাদিক অসুস্থ হৈ পৰাৰ বিপৰীতে মৃদুল ইছলাম নামৰ কংগ্ৰেছ নেতাগৰাকীৰ মৃত্যু হৈছে।