মৰিগাঁও জিলাৰ লাহৰীঘাটৰ ৰজাগাধোৱা নবজ্যোতি চিনিয়ৰ চেকেণ্ডাৰী স্কুলত ২০২১ বৰ্ষৰ বাবে টেট পৰীক্ষাৰ্থী সকলৰ বাবে টেট কচিং চেন্টাৰৰ শুভ উদ্বোধন কৰা হয়। এই টেট কচিং চেন্টাৰৰ শুভ উদ্বোধন কৰে কপাহেৰা উচ্চতৰ মাধ্যমিক বিদ্যালয়ৰ অধ্যক্ষ আবুল হাসেম আল আমান ডাঙৰীয়াই। দুকুৰিৰো অধিক প্ৰশিক্ষাৰ্থীয়ে এই টেট কচিং চেন্টাৰৰ অন লাইন যোগে পাঠ গ্ৰহণৰ বাবে নাম পঞ্জীযন কৰে বুলি পৰিচালনা সমিতিৰ সম্পাদকে জনাইছে। উল্লেখ্য যে এই কচিং চেন্টাৰত মুঠ ১১জন অভিজ্ঞ প্ৰৱক্তা সকলে পাঠদান সেৱা আগবঢ়াব বুলিও জানিব পৰা গৈছে। এই উদ্বোধনী অনুষ্ঠানত আমন্ত্রিত অতিথি হিচাপে অভীক্ষ শিক্ষাবিদ মূখলেছুৰ ৰহমান ফাৰুকী, বিদ্যাসাগৰ বিদ্যাপীঠৰ অধ্যক্ষ ড0 আনোৱাৰ হুছেইন মহম্মদ ৱাহিদ, লাহৰীঘাট মহাবিদ্যালয়ৰ প্ৰৱক্তা আবুল ফজল, টেঙাগুৰি আদৰ্শ মাৰ্কাজ একাডেমিৰ অধ্যক্ষ মাইনুল ইছলাম, উপাধ্যক্ষ ওমৰ ফাৰুক, শিক্ষাবিদ ছাদিকুল ইছলাম, নব জ্যোতি চিনিয়ৰ চেকেণ্ডাৰী স্কুলৰ সম্পাদক চাইফুল ইছলামৰ লগতে আৰু বহু গন্যমান্য ব্যক্তি সকল উপস্থিত আছিল।
