নলবাৰী : আজি নলবাৰী জিলাৰ গণেশ মন্দিৰৰ সমীপৰ চিলাৰায় ভৱনত জাহ্নৱী মিনি থিয়েটাৰৰ শুভ মহুৰত আনুষ্ঠানিক ভাৱে উদ্বোধন কৰা হয়। এইবেলি জাহ্নৱী মিনি থিয়েটাৰে দ্বিতীয় বৰ্ষত ভৰি দিলে। কেইজনমান থলুৱা যুৱকৰ প্ৰচেষ্টাত গঢ় লৈ উঠা জাহ্নৱী মিনি থিয়েটাৰে এইবেলি ৰাইজৰ সন্মুখত দুখন নাটক পৰিবেশন কৰিব। নাটক দুখন ক্ৰমে, প্ৰতুল ভূঞা দ্বাৰা ৰচিত ফুটপাথৰ ছোৱালী আৰু জয়ন্ত বৰুৱাৰ দ্বাৰা ৰচিত মহাপাপী দেউতা। জাহ্নৱী মিনি থিয়েটাৰৰ উদ্যোক্তা সকলে এইবেলি এই দুখন নাটকেৰে ৰাইজৰ মন মুহিবলৈ সক্ষম হব বুলি মন্তব্য কৰে। আজিৰ এই শুভ মহুৰত অনুষ্ঠানত ভাগ্যদেৱী থিয়েটাৰৰ প্ৰযোজক সুবোধ মজুমদাৰ, বিশিষ্ট অভিনেতা তথা যুৱ নেতা দিলীপ দাস, বিশিষ্ট সমাজ কৰ্মী মনোজ কুমাৰ শৰ্মা, জুৰি বৰগোসাই, অসম হাইস্কুল শিক্ষক সংস্থা নলবাৰী জিলা সমিতিৰ সম্পাদক উমেশ দাস সহ প্ৰমুখ্যে জাহ্নৱী মিনি থিয়েটাৰৰ বহু কাৰ্মকৰ্তা সকল উপস্থিত থাকে।
