শীতকালত বহু বেমাৰে মানুহক আক্ৰমণ কৰে, সেইবাবে ঘৰত বয়োবৃদ্ধক ভাল খাদ্য খুৱাই ৰোগ প্ৰতিৰোধ ক্ষমতা বৃদ্ধি কৰিব পাৰে।(Healthy Meal) এই বতৰত জ্বৰ, চৰ্দি, এলাৰ্জীৰ সমস্যা বাঢ়ি যায়। গতিকে খাদ্যৰ প্ৰতি গুৰুত্ব দিয়াটো অতি প্ৰয়োজনীয়।
শীতকালত ঘৰৰ জ্যেষ্ঠ সদস্যসকলৰ প্ৰতি অলপ বেছি গুৰুত্ব দিয়া উচিত। বয়োবৃদ্ধসকলে নিয়ম মানি চলা আৰু খাদ্যৰ প্ৰতি গুৰুত্ব দিয়াটো অতি প্ৰয়োজনীয়।
জ্যেষ্ঠসকলৰ খাদ্যত উপযুক্ত পৰিমাণৰ প্ৰটিন, কাৰ্বহাইড্ৰেট আৰু স্বাস্থ্যকৰ চৰ্বি থাকিব লাগে। ৰাতিপুৱা ৮ বজাৰ পৰা ৯ বজাৰ ভিতৰত ব্ৰেকফাষ্ট খাব লাগে। ব্ৰেকফাষ্ট গাখীৰ-কৰ্ণফ্লেক বা ডালিয়া খিচিৰিৰ বা শাক-পাচলিৰ সৈতে ওটছ হ’ব পাৰে। গাখীৰ হজম নহ’লে হাতেৰে বনোৱা গৰম ৰুটি দুখন আৰু এবাটি দাইল খাব লাগে। লগতে বতৰৰ ফল খাব পাৰে। চোবাই খাবলৈ অসুবিধা হ’লে ফলৰ ৰস খাব পাৰে।(healthy diet for older people)
আনহাতে নেমুৰ ৰস, ধনীয়া পাত, পাচলি খাব পাৰে শীতকালত। যিমান কম তেল খাব সিমানেই ভাল। কেঁচা নিমখ একেবাৰে নাখাব। ৰন্ধা-বঢ়াত চেনিৰ পৰিমাণ কমাই দিব। প্ৰটিনৰ বাবে কণী, পনিৰ বা মাংস, বিভিন্ন বাদাম, স্বাস্থ্যকৰ চৰ্বিৰ বাবে শুকান ফল খাদ্যত ৰাখিব লাগে। খোৱাৰ পিছত টেঙা দৈ খাব পাৰে।
প্ৰাপ্তবয়স্কক দিনটোত যিকোনো দুবিধ প্ৰটিন দিব লাগে। যদি কণী খাই হজম নহয় তেন্তে কণীৰ বগা অংশহে দিব। পাচনতন্ত্ৰৰ সমস্যা হ’লে মাংসতকৈ মাছ খোৱাই ভাল। সেউজীয়া শাক-পাচলি বেছিকৈ খাব। বয়সৰ লগে লগে তেজত হিম’গ্লবিনৰ মাত্ৰা কমি যায়। গতিকে আইৰণ সমৃদ্ধ খাদ্য খাওক। দিনটোত এটা বা দুটা খেজুৰ খাব।