মঙলবাৰে ঝাৰখণ্ডৰ মুখ্যমন্ত্ৰীৰূপে শপত ল’ব হেমন্ত ছোৰেনে। ২৬ নৱেম্বৰত অনুষ্ঠিত হ’বলগীয়া শপত গ্ৰহণ অনুষ্ঠানত মমতা বেনাৰ্জী, ৰাহুল গান্ধী, অখিলেশ যাদৱ, অৰবিন্দ কেজৰিৱালকে ধৰি ভাৰত বিশিষ্ট নেতাসকলে অংশগ্ৰহণ কৰাৰ সম্ভাৱনা আছে।(Hemant Soren)
জেএমএম নেতৃত্বাধীন মিত্ৰজোঁটে বিধানসভা নিৰ্বাচনত বিজেপিক পৰাস্ত কৰি ৫৬খন আসন লাভ কৰে। ২৬ নৱেম্বৰত দ্বিতীয়বাৰৰ বাবে ঝাৰখণ্ডৰ মুখ্যমন্ত্ৰী হিচাপে শপত গ্ৰহণ কৰিবলৈ সাজু হৈছে ঝাৰখণ্ড মুক্তি মৰ্চাৰ নেতা হেমন্ত ছোৰেনে।(JMM)
আজি ছোৰেনে ঝাৰখণ্ডৰ ৰাজ্যপাল সন্তোষ গংগৱাৰক ৪ বজাত সাক্ষাৎ কৰাৰ কথা। আজি চৰকাৰ গঠনৰ বাবে আনুষ্ঠানিকভাৱে দাবী উত্থাপন কৰিব বুলি সূত্ৰই জনায়।
কংগ্ৰেছ নেতা ৰাহুল গান্ধী, তৃণমূল কংগ্ৰেছৰ সৰ্বোচ্চ মমতা বেনাৰ্জী, সমাজবাদী পাৰ্টিৰ মুৰব্বী অখিলেশ যাদৱ, আপৰ ৰাষ্ট্ৰীয় আহ্বায়ক অৰবিন্দ কেজৰিৱাল, আৰজেডি নেতা তেজস্বী যাদৱকে ধৰি বিৰোধী INDIA ব্লকৰ গুৰুত্বপূৰ্ণ নেতাসকলে শপত গ্ৰহণ উপস্থিত থকাৰ পূৰ্ণ সম্ভাৱনা।
জেএমএম, কংগ্ৰেছ, ৰাষ্ট্ৰীয় জনতা দল (আৰজেডি), চিপিআই-এমএলকে ধৰি এই মিত্ৰজোঁটে ৮১ খন আসনৰ ভিতৰত বিধানসভাত মুঠ ৫৬খন আসন লাভ কৰে।
জেএমএমই ৩৪খন, কংগ্ৰেছে ১৬খন, আৰজেডিয়ে ৪খন, আৰু চিপিআই-এমএলে ২খন আসন লাভ কৰি ভাৰতীয় ব্লক মিত্ৰজোঁটৰ বাবে একেৰাহে দ্বিতীয়বাৰৰ বাবে ক্ষমতাৰ বাট মুকলি হয়।