৮ জানুৱাৰী, ২০২৫ঃ Himanta Biswa Sarma । স্বাস্থ্য আৰু পৰিয়াল কল্যাণ বিভাগৰ কেন্দ্ৰীয় মন্ত্ৰী শ্ৰী জে পি নাড্ডা আৰু অসমৰ মুখ্যমন্ত্ৰী ড°হিমন্ত বিশ্ব শৰ্মা দৰং জিলাত উপস্থিত হৈ কেইবাটাও অভিলাষী আঁচনি পৰিদৰ্শন কৰাৰ লগতে মঙলদৈ অসামৰিক চিকিৎসালয়ত ২৪ কোটি টকা ব্যয় সাপেক্ষে ৫০ খন বিচনাযুক্ত Critical Care Block ৰ আধাৰশিলা স্থাপন কৰে। জে পি নাড্ডা আৰু মুখ্যমন্ত্ৰী দৰং কেন্সাৰ মেডিকেল, মঙলদৈস্থিত অসম দক্ষতা বিকাশ বিশ্ববিদ্যালয়, নৱনিৰ্মিত ১৫ নং ৰাষ্ট্ৰীয় ঘাইপথৰ মঙলদৈ টাউন বাইপাছকে আদি কৰি কেইবাটাও নিৰ্মানকাৰ্য পৰিদৰ্শন কৰিব।
দুয়োগৰাকী নেতাই দৰং জিলা আয়ুক্ত কাৰ্যালয়ত বিভাগীয় মুৰব্বী সকলৰ লগত এখন পৰ্যালোচনা সভাত অংশগ্ৰহণ কৰে। উল্লেখযোগ্য যে আকাশী পথেৰে দুপৰীয়া ১২ বজাত দুয়ো গৰাকী নেতা মঙলদৈ আহি পোৱাৰ কথা আছিল যদিও বতৰ বেয়া হোৱাৰ পৰিপ্ৰেক্ষিতত স্থলপথেৰে আহি আবেলি ২ বজাত হে উপস্থিত হয় দৰং জিলাত।