হোজাই, ১৮ ডিচেম্বৰ: শুক্ৰবাৰে হোজাইত সাংসদ মৌলানা বদৰুদ্দিন আজমলে বিতৰণ কৰিলে কম্বল, হোজাইৰ দেশবন্ধু বিদ্যাপীঠৰ স্বৰ্ণজয়ন্তী ভবনত আজমল ফাউণ্ডেচনৰ উদ্যোগত শীতৰ কাপোৰ বিতৰণ কাৰ্য্যসূচী সুভাৰম্ভ কৰা হয় ৷ প্ৰচণ্ড শীতৰ সময়ত দৰিদ্ৰ লোকসকলক সামান্য সকাহ দিয়াৰ উদ্দেশে ইউ কেৰ ইছা ফাউণ্ডেচন (ISSA Foundation, UK) দ্বাৰা দান প্ৰাপ্ত আৰু মৌলানা বদৰুদ্দিন আজমলৰ নিৰ্দেশত আজমল ফাউণ্ডেচনে গ্ৰহণ কৰিছে এই কাৰ্যসুচী ৷ উপস্থিত সাংবাদিক সকলৰ আগত বদৰুদ্দিন আজমলে মন্তব্য আগবঢ়াই কয় যে ফাউণ্ডেচনৰ উদ্যোগত প্ৰত্যেক বছৰৰ শীতৰ বতৰত জাতি, ধৰ্ম, বৰ্ণ নিৰ্বিশেষে ৰাজ্যৰ প্ৰায় এক লাখ লোকক কম্বল বিতৰণ কৰা হয় আৰু এই বেলি হোজাইৰ অমুছলমান অঞ্চলৰ প্ৰায় ৫০০ গৰাকী দৰিদ্ৰ লোক সকলক একোখনকৈ উন্নত মানদণ্ডৰ কম্বল বিতৰণ কৰাৰ ওপৰিও প্ৰকৃত হিতাধীকাৰী সকল যদি ৰৈ গৈছে তেওঁলোককো পৰবৰ্ত্তী সময়ত দিয়া যাব বুলি জনায়। বিতৰণী অনুষ্ঠানত সাংসদ বদৰুদ্দিন আজমলে নিজৰ ভাষণত কয় যে আজমল ফাউণ্ডেশ্বন, মৰ্কজুল মা-আৰিফ আৰু হাম হস্পিটেলে বিগত প্ৰায় ২৫ বছৰৰ পৰা জনসেৱাৰ বাবে কাম কৰি আছে আৰু কৰি যাব। তাৰ বাবে সকলোৰে সাহায় সহযোগীতা আৰু আৰ্শীবাদ বিচাৰে। আনহাতে ৰাজনৈতিক ভাৱে আক্ৰমন কৰা সকলৰ প্ৰতি মনযোগ নিদি নিজৰ কাম কৰি যাব বুলি মন্তব্য কৰাৰ লগতে ৰাষ্টাত গলে বহুতে ভুকিব বুলিও তাৎপৰ্য্য মন্তব্য আগবঢ়ায়। কম্বল বিতৰণী অনুষ্ঠানত আজমলৰ উপৰিও উপস্থিত থাকে হোজাইৰ বিশিষ্ট সমাজ সেৱক কমল দত্ত, প্ৰমোদ ৰঞ্জন দাস, হোজাই সাহিত্য সভাৰ উপ সভাপতি পদ্মকান্ত নাথ, আজমল ফাউণ্ডেশ্বনৰ কৰ্নেল (প্ৰাক্তন) সমিৰ কাঞ্জিলাল, মৌলানা অজিৰ উদ্দিন আদি অনান্য বিশিষ্ট ব্যক্তি সকল উপস্থিত থাকে। আজমল ফাউণ্ডেচনৰ এনে পদক্ষেপক শলাগ লৈছে সচেতন মহলে ৷
