নলবাৰী বৰভাগৰ দোকোহাত সংঘতিত ভয়ানক ঘটনা! পিতৃৰ বিষপান কৰি আত্মহত্যাৰ লগতে নিজ দুই পুত্ৰক খুৱালে বিষ
নলবাৰীৰ দোকোহাত বিষপান কৰি এগৰাকী পিতৃয়ে কৰিলে আত্মাহত্যা, তথা দুই পুত্ৰকো খুৱালে মাৰাত্মক অপতৃণ ধ্বংসকাৰী বিষ ৷ ঘটনা অনুসৰি যোৱানিশা প্ৰায় দুইমান বজাত বৰভাগৰ কমাৰকুছি আৰক্ষী চকীৰ অন্তৰ্গত দোকোঁহা গাওঁৰ ডিপুল শইকীয়াই নিজে বিষপান কৰাৰ লগতে দুই পুত্ৰ ক্ৰমে মানৱজ্যোতি শইকীয়া আৰু ভাৰ্গৱ শইকীয়াকো বিষপান কৰাই৷উক্ত খৱৰ গাওঁবাসীৰ ঘটনাটো অৱগত হোৱাৰ লগে লগে গুৱাহাটী মেডিকেল কলেজ হস্পিতালত নিশাই ভৰ্তি কৰাই আৰু জি এম চি এইচতে আজি পূৱা পিতৃ ডিপূল শইকীয়াৰ মৃত্যু হয়৷
জানিব পৰামতে পত্নীৰ পৰকীয়া প্ৰেমৰ বাবে উক্ত মাৰাত্মক সিদ্ধান্ত লোৱা বুলি স্থানীয় ৰাইজে সন্দেহ কৰিছে৷উল্লেখ্য যে তিনিদিন মান আগতে পত্নী হেমলতা শইকীয়া চুবুৰীয়া গাওঁৰ হজৰত আলি নামৰ এজন বিবাহিত পুৰুষৰ লগত পলাই গৈছে৷বৰ্তমান দুই পুত্ৰৰ অৱস্থাও সংকতজনক বুলি ওচৰ চুবুৰীয়াই জানিব দিছে৷