বায়ু প্ৰদূষণঃ উত্তৰ ভাৰতত দিনক দিনে বৃদ্ধি পাইছে বায়ু প্ৰদূষণৰ মাত্ৰা। এনে পৰিস্থিতিত আপুনি কিছুমান বিশেষ টিপছ গ্ৰহণ কৰি বায়ু প্ৰদূষণৰ পৰা নিজকে ৰক্ষা কৰিব পাৰে। দিল্লী এন চি আৰ আৰু উত্তৰ ভাৰতৰ বহু ৰাজ্যত পুনৰ বায়ু প্ৰদূষণে বিধ্বংসী ৰূপ ধাৰণ কৰিছে। বায়ু প্ৰদূষণে হাওঁফাওঁ দুৰ্বল কৰি মানুহক শ্বাস-প্ৰশ্বাসজনিত ৰোগ বৃদ্ধি কৰে। এনে পৰিস্থিতিত এই বিপজ্জনক বায়ু প্ৰদূষণৰ পৰা আপুনি নিজকে আৰু আপোনাৰ পৰিয়ালৰ সদস্যসকলক ৰক্ষা কৰাটো গুৰুত্বপূৰ্ণ। কোনবোৰ ব্যৱস্থাৰে আপুনি বায়ু প্ৰদূষণৰ দ্বাৰা প্ৰভাৱিত হোৱাৰ পৰা হাত সাৰিব পাৰিব জানো আহক-
মাস্ক পিন্ধিহে বাহিৰলৈ ওলাই যাব। আপোনাৰ ল’ৰা-ছোৱালীকো মাস্ক পিন্ধাই ওলাই যাবলৈ দিয়ক। বজাৰত ভাল মানৰ মাস্ক পাব আৰু বজাৰ বা আন ঠাইলৈ যাওঁতে মাস্ক পিন্ধিবলৈ চেষ্টা কৰিব। ৰাতিপুৱা আৰু গধুলি খোজকঢ়া লোকসকলক মাস্ক পিন্ধি খোজ কাঢ়িবলৈ পৰামৰ্শ দিব লাগে। আনহতে বায়ু প্ৰদূষণৰ সময়ত আমি পুৱা-গধুলি দৌৰিলে হাওঁফাওঁৱে অধিক বায়ু টানে আৰু এনে পৰিস্থিতিত বিষাক্ত বায়ু শৰীৰত প্ৰৱেশৰ আশংকা বেছি হয়।
বায়ু প্ৰদূষণৰ পৰা নিজকে ৰক্ষা কৰাৰ এটা উত্তম উপায় হ’ল পৰ্যাপ্ত পৰিমাণে পানী খোৱা। ইয়াৰ ফলত আপুনি হাইড্ৰেটেড হৈ থাকিব আৰু আপোনাৰ শৰীৰৰ ৰোগ প্ৰতিৰোধ ক্ষমতাও শক্তিশালী হৈ থাকিব। প্ৰচুৰ পৰিমাণে পানী খালে শৰীৰত জমা হোৱা বিষাক্ত মৌলবোৰ প্ৰস্ৰাৱৰ জৰিয়তে ওলাই আহি থাকিব।
যেতিয়া বাহিৰৰ বতাহ বিষাক্ত হয়, তেতিয়া ঘৰৰ বায়ুৰ মানদণ্ডও বজাই ৰাখিব লাগে। যদি ঘৰত শিশু আৰু বৃদ্ধ লোক থাকে তেন্তে ঘৰৰ বতাহ বিশুদ্ধ কৰি ৰাখিবলৈ এয়াৰ পিউৰিফায়াৰ ব্যৱহাৰ কৰিব লাগে।