কৈ থাকোঁ মানে ওৰকে নপৰে বন বিভাগৰ কথা| তিনিচুকীয়া জিলাৰ অন্তৰ্গত মাৰ্ঘেৰিটাত বৰ্তমানেও অব্যাহত আছে অবৈধ বালি ৰমৰমীয়া বেহা |মাৰ্ঘেৰিটাৰ পশ্চিম আঞ্চলিক বন বিষয়াৰ কাৰ্যলয়ৰ নিচেই কাষতে একাংশ বালি মাফিয়াই দিন দুপৰতে বুঢ়ীদিহিং নৈ বুকুত অবৈধ ভাৱে বালি খনন কৰি ৰমৰমীয়া ব্যৱসায় চলাই আছে| প্ৰাপ্ত খৱৰ অনুসৰি বন বিভাগৰ কাৰ্যলয়ৰ নিচেই সমিপতে মাৰ্ঘেৰিটা বালুখাট নামৰ থাইত একাংশ বন বিভাগৰ দূৰ্নীতিগ্ৰস্ত বিষয়া কৰ্মচাৰী চত্ৰছায়াতে বালি অবৈধ ব্যৱসায় চলি আছে| মাৰ্ঘেৰিৰ্টাত যে বালিৰ ৰমৰমীয়া বেহা চলি আছে এই অভিযোগ সৰ্বজন বিদিত| স্থানীয় দল সংগঠনে মাৰ্ঘেৰিটাত অব্যাহত থকা এই অবৈধ বালি খনন ও ব্যৱসায় বন্ধ কৰাৰ লগতে এই অবৈধ ব্যৱসায়ৰ সৈতে জড়িত লোকসকলৰ বিৰুদ্ধে ব্যৱস্থা গ্ৰহণ কৰিবলৈ বাৰাম্বৰ বন বিভাগক দাৱী জনাই আহিছে যদিও মাৰ্ঘেৰিটাৰ বন বিভাগ আজিকোপতি কোনোধৰণৰ ব্যৱস্থা গ্ৰহণ কৰাৰ পৰা বিৰত আছে বুলিহে দল সংগঠনসমূহে অভিযোগ উত্থাপন কৰি আহিছে| আনহাতেদি তিনিচুকীয়া জিলাৰ ডিগবৈ বন সংমণ্ডলৰ অন্তৰ্গত উক্ত অঞ্চলটোত ডিগবৈ বন সংমণ্ডৰ তৰফৰ পৰাও আজিলৈকে ব্যৱস্থা গ্ৰহণ কৰাটো দুৰৰ কথা কিবা ৰহস্যজনক কাৰণত বন বিভাগে মৌনতা অৱলম্বন কৰাহে পৰিলক্ষিতত হৈছে বুলি দল সংগঠনে অভিযোগ উত্থাপন কৰিছে||
