হোজাইত মন্ত্ৰী হিমন্ত বিশ্ব শৰ্মাৰ গুৰুত্বপূৰ্ণ সভা । হোজাই স্বাস্থ্য বিভাগত খালী থকা পদসমূহ শীঘ্ৰেই পূৰণৰ আশংকা।

হোজাই

হোজাই জিলাত দ্ৰুতগতিত কৰোনা আক্ৰান্তৰ সংখ্যা বৃদ্ধি পোৱাৰ সময়তেই শনিবাৰে অসম চৰকাৰৰ স্বাস্থ্য আৰু পৰিয়াল কল্যাণ,বিত্ত আদি বিভাগৰ মন্ত্রী ডঃ হিমন্ত বিশ্ব শর্মা ,তেজপুৰ লােক সভা সমষ্টিৰ সাংসদ পল্লৱলােচন দাস আৰু স্বাস্থ্য ও পৰিয়াল কল্যাণ বিভাগৰ ( ৰাজ্যিক ) মন্ত্রী পিযুষ হাজৰিকা হােজাই জিলাত উপস্থিত হৈ উপায়ুক্ত কাৰ্যালয়ৰ সভা কক্ষত স্থানীয় বিধায়ক শিলাদিত্য দেব আৰু শিবু মিশ্রৰ উপস্থিতিত হােজাই জিলা প্ৰশাসনৰ বিষয়ববিয়া আৰু স্বাস্থ্য বিভাগৰ লগত কভিড -১৯ ৰ উপৰত এক গুৰুত্বপূৰ্ণ পৰ্যালােচনা সভাত ভাগ লয়। সভাত উপায়ুক্ত ডঃ সদনেক সিংয়ে হােজাই জিলা প্রশাসনে কৰ’না ভাইৰাছ প্ৰতিৰােধৰ ক্ষেত্ৰত লােৱা পদক্ষেপ সমুহৰ বিষয়ে বিতং ভাবে অবগত কৰাৰ লগতে এক পাৱাৰ পয়েন্ট উপস্থাপন কৰে । সভাত ডঃ হিমন্ত বিশ্ব শর্মাই হােজাই জিলাত কৰ’না আক্ৰান্তৰ সংখ্যা দ্রুতগতিত বাঢ়ি গৈ থকাৰ প্রতি লক্ষ্য ৰাখি হােজাই জিলা প্রশাসন আৰু আৰক্ষী প্রশাসন অধিক তৎপৰতা অবলম্বনৰ লগতে মাস্ক নিপিন্ধা ব্যক্তি সকলক জৰিমনা আদায় কৰিবলৈ নির্দেশ দিয়ে । তাৰােপৰি কঠোৰ ভাবে স্বাস্থ্য বিধিৰ নীতি নিয়ম সমুহ পালন কৰাৰ বাবে ৰাইজৰ মাজত সজাগতা বৃদ্ধিৰ বাবে কাম কৰি যাবলৈ নির্দেশ দিয়ে আৰু হােম কোৱাৰিনটিন ব্যৱস্থাটো যাতে সঠিক ভাবে ৰূপায়িত হয় তাৰ প্রতি সতর্ক দৃষ্টি ৰাখিবলৈ নির্দেশ দিয়ে । তাৰােপৰি হােজাই স্বাস্থ্য বিভাগত খালি হৈ থকা পদ সমুহ অতিসােনকালে পূৰণৰ ব্যৱস্থা কৰা হব বুলি সভাত জনায় ।