শিৱসাগৰ, ২৪ নৱেম্বৰঃ শিৱসাগৰ নগৰৰ ধাইআলিস্থিত পদ্মশ্রী সন্মানপ্ৰাপক(Padma Shri) ইমৰান শ্বাহৰ(Imran Shah’s birthday) বাসভৱনত শনিবাৰে অনুষ্ঠিত হোৱা তেখেতৰ ৯২সংখ্যক ওপজা দিনৰ বিশেষ কাৰ্যসূচীত অগণন শুভাকাঙ্ক্ষীৰ শুভেচ্ছা গ্ৰহণ কৰি কথাশিল্পী ইমৰান শ্বাহে আৱেগিক হৈ সকলোকে কৃতজ্ঞতা জনোৱাৰ লগতে এনেকৈয়ে সকলোকে লগ পাই থাকিলে কাম কৰাৰ সাহস পাম বুলি উল্লেখ কৰে।(Indian Assamese language)
সাহিত্যিকগৰাকীৰ বৰ জীয়ৰী ইশ্বানু শ্বাহে আত ধৰা কাৰ্যসূচীত সাহিত্যিকগৰাকীক তেখেতৰ তিনি নাতি-নাতিনী ৰিম, এহচাচ আৰু ৰেয়ানে শুভেচ্ছা জনোৱাৰ পিছতেই তেওঁৰ গুণমুগ্ধই কিতাপৰ টোপোলা, গামোচা, ফুলৰ থোপা আদিৰে জন্মদিনৰ শুভেচ্ছা জ্ঞাপন কৰে।
(Government of India) সাহিত্যিকগৰাকীয়ে নতুন প্রজন্মৰ লেখক-লেখিকাসকলৰ উদ্দেশ্যি কয় যে, কঠোৰ পৰিশ্ৰমৰ অবিহনে লেখকৰ জীৱনত অন্য স্হিৰ পথ নাই।(Bharat Ratna) তেওলোকে পৰিশ্ৰমৰ লগতে গভীৰ অধ্যয়ন আৰু লিখাৰ যত্ন লব লাগিব বুলি ব্যক্ত কৰে।
অসমীয়া মাধ্যমৰ বিদ্যালয়সমূহৰ বহু সংখ্যক বিদ্যালয় বন্ধ হৈ পৰাৰ কাৰণৰ সন্দৰ্ভত সাংবাদিকে সোধা এক প্ৰশ্ন উত্তৰত সাহিত্যিকগৰাকীয়ে কয় যে, এখন বিদ্যালয় এটা জাতীয় সম্পদ। সেই সম্পদ কোনোবাই নষ্ট কৰি দিব সেইটো সহজ কথা নহয়। এই ক্ষেত্ৰত ৰাইজ সচেতন হ’ব লাগিব বুলি উল্লেখ কৰে।
শিৱসাগৰ জিলা সাহিত্য সভাৰ উদ্যোগত অনুষ্ঠিত অনুষ্ঠানত সাহিত্যিকগৰাকীৰ ৰচনাৱালীৰ তৃতীয় খণ্ড আনুষ্ঠানিকভাৱে উন্মোচন কৰা হয়। বৃহৎ কলেবৰৰ এই গ্ৰন্থ উন্মোচন কৰি সাহিত্যিকগৰাকীৰ বাল্যবন্ধু ডাঃ দেৱেন গগৈয়ে লৰালি কালৰ বহু কথা ৰোমন্হন কৰি আজিৰ অনুষ্ঠানত বন্ধুৰ ৰচনাৱলী উন্মোচন কৰি আত্মহাৰা হৈ পৰে।
তেখেতে আজিৰ মূহূৰ্ততো কোনোদিন পাহৰিব নোৱাৰি বুলি ব্যক্ত কৰি বন্ধুক জন্মদিনৰ ওলগ জ্ঞাপন কৰি আৰু অধিক সাহিত্য সৃষ্টি কৰি যাবলৈ অনুপ্ৰেৰণা দিয়ে। সন্তোষ দত্তই আঁত ধৰা অনুষ্ঠানত জিলা উন্নয়ন আয়ুক্ত সমীৰন বৰা, স্মৃতিৰেখা গগৈ, প্ৰেম গগৈ, স্বৰ্ণজ্যোতি বৰা বৰবৰা, জিলা সাহিত্য সভাপতি ডঃ নিৰুপমা মহন্ত, স্নিগ্ধাৰাণী গগৈয়ে শুভেচ্ছামূলক বক্তব্য প্ৰদান কৰা অনুষ্ঠানত শিৱসাগৰ বিশ্ববিদ্যালয়ৰ অসমীয়া বিভাগৰ অধ্যাপিকা ডঃ ৰীতামনি বৰাই কথাশিল্পী ইমৰান শ্বাহৰ সাহিত্য কৰ্মৰ এক অবলোকন দাঙি ধৰাৰ লগতে শ্বাহ চাৰৰ চুটিগল্পৰ সন্দৰ্ভত এক মনোজ্ঞ বক্তব্য প্ৰদান কৰে।
জিলা সাহিত্য সভাৰ প্ৰাক্তন সম্পদক যোগ গগৈ, শিক্ষাবিদ চিন্তাশীল লেখক ডঃ জ্যোতিপ্ৰসাদ শইকীয়া, ডঃ প্ৰকাশ কটকী, আব্দুল জেলিল,প্ৰেম গগৈ, বিনোৱা টায়ে, ৱালিউল্লাহকে আদি কৰি সাহিত্যিক গৰাকীৰ ভালেমান গুণমুগ্ধ উপস্থিত থাকে। উল্লেখযোগ্য যে, ১৯৩৩ চনত শিৱসাগৰৰ ধাই আলিত জন্ম গ্রহণ কৰিছিল ইমৰান শ্বাহে।
তেওঁৰ পিতৃ মহম্মদ শ্বাহ আৰু মাতৃ মৰিয়ম নিচা। ধাইআলিৰ ২নং প্রাথমিক বিদালয়ত শিক্ষা জীৱনৰ আৰম্ভ কৰি শিৱসাগৰ চৰকাৰী হাইস্কুল, কটন কলেজ, শিৱসাগৰ কলেজ আদিত উচ্চশিক্ষা সম্পন্ন কৰে। নৱম শ্রেণীত থাকোতেই ১৯৫১ চনত প্ৰকাশ পাই তেওঁৰ প্ৰথম কাব্য সংকলন “বনবাসী”।
ৰামধেনু যুগৰ এগৰাকী অন্যতম শ্ৰেষ্ঠ গল্পকাৰ ইমৰান শ্বাহৰ ইতিমধ্যে ৮ খন গল্প সংকলন, ১০খন উপন্যাস, ২খন প্ৰৱন্ধ সংকলন, ১খন জীৱনী, ৩খন অনুদিত গল্প আৰু কেইবাখনো সম্পাদিত গল্প সংকলন, তিনি খন কাব্য সংকলন আৰু ১খন গীতৰ গ্রন্থ প্ৰকাশ পাইছে।
২০১২ চনৰ অসম সাহিত্য সভাৰ বৰপেটা অধিবেশনৰ সভাপতি পদ অলংকৃত কৰা শ্বাহে তেওঁৰ সুকীয়া গদ্য ৰীতি আৰু সাহিত্য কৰ্মৰ বাবে সন্মানীয় অসম উপত্যকা বঁটাৰ লগতে আজানপীৰ বঁটা লাভ কৰিছে।
ভাৰত চৰকাৰৰ পৰা পদ্মশ্রী সন্মান লাভ কৰা বৰেণ্য সাহিত্যিক গৰাকীৰ আজি ৯২ সংখ্যক ওপজা দিনত অগণন গুণমুগ্ধই তেখেতক বিভিন্ন উপহাৰে জন্মদিনৰ ওলগ জনোৱা অনুষ্ঠানত ডঃ জ্যোতিপ্রসাদ শইকীয়াৰ প্ৰকাশিত কবিতা “প্ৰাজ্ঞতনু” কবিতাটি মিলন খনিকৰে আবৃত্তি কৰাৰ উপৰিও নাজিম আলী, প্ৰবীণ হাজৰিকা,প্ৰভাত কোৱৰে শ্বাহ চাৰৰ গীত পৰিৱেশন কৰাৰ লগতে কণমানি জ্যোতিষ্মান ফুকন, লীজা সন্দিকৈয়ে গীত পৰিৱেশন কৰে।
অনুষ্ঠানত ৰবাৰ্ট ফষ্ট্ৰৰ ষ্টপিং বাই ওদছ অন এ স্নয়ী ইভিনিং কবিতাটি আস্হা ভৰালীয়ে পাঠ কৰাৰ পিছতেই ইমৰান শ্বাহে অসমীয়ালৈ অনুবাদ কৰা কবিতাটি আবৃত্তি কৰে পল্লৱী ফুকনে। হাৰেজা বেগমে কবিতা আবৃত্তি কৰাৰ লগতে জেহিৰুদ্দিন খানৰ প্ৰকৃতি আৰু স্বাস্থ্য গ্ৰন্থখনি ইমৰান শ্বাহে উন্মোচন কৰাৰ অনুষ্ঠানত আজি প্ৰকাশিত সাংবাদিক অনন্ত স্মিথৰ প্ৰৱন্ধ পাঠ কৰে নৱনীত হাজৰিকাই।
নেহা যোগ প্ৰশিক্ষণ কেন্দ্র, অসম উন্নতি সভা, শিৱসাগৰ প্ৰেছ ক্লাব, দিচাং ধাইআলি উচ্চতৰ মাধ্যমিক বিদ্যালয়, শিৱসাগৰ যুবদল, শিৱসাগৰ ছোৱালী মহাবিদ্যালয়, শিৱসাগৰ চৰকাৰী উচ্চতৰ মাধ্যমিক বহুমূখী বিদ্যালয়, উজনি অসম মুছলিম কল্যাণ পৰিষদ, সাংস্কৃতিক মহাসভা, অনুশীলন গোট, আজানপীৰ ভৱন আৰু গৱেষণা কেন্দ্র, শিৱসাগৰ জিলা কবিতা আবৃত্তি পৰিষদ, আসাম টক, অসম নাট্য সন্মিলন, নিউ লুক একাডেমী, শিৱসাগৰ কবি চক্র, আৰোহণ কলা-সংস্কৃতি অনুষ্ঠান, শিৱসাগৰ ই-ৰিক্সা সংস্থা, ২নং ধাইআলি লৰা প্ৰাথমিক বিদ্যালয়, ন-মাটি, জয়সাগৰ, অৰুণোদয়, শিমলুগুৰি, চাৰিং, ৰুদ্ৰসাগৰ, ধিতাইপুখুৰী, নাজিৰা, জাজী, মুকুল, সমন্বয় শাখা সাহিত্য সভাৰ লগতে শতাধিক অনুষ্ঠান- প্ৰতিষ্ঠান আৰু ব্যক্তিয়ে সাহিত্যিকগৰাকীক গামোচা, চেলেং, কিতাপৰ টোপোলা, গছপুলি, সম্বৰ্দ্ধনা পত্ৰ প্ৰদান কৰে।