প্ৰত্যেক বছৰৰ দৰে এইবেলিও কামৰূপ জিলাৰ পশ্চিম বংশৰ আঞ্চলিক ছাত্ৰ সন্থাৰ উদ্যোগত,বামুন্দী শাখা ছাত্ৰ সন্থাৰ সহযোগত ৩ এপ্ৰিলৰ পৰা ,বামুন্দী হাইস্কুল প্ৰাংগনত আবেলি ৩ বজাৰ পৰা অভিজ্ঞ প্ৰশিক্ষকৰ দ্বাৰা ” বিহুনাচ কৰ্মশালাৰ ” আয়োজন কৰা হৈছে । ৩ এপ্ৰিলৰ পৰা আৰম্ভ হব লগীয়া অনুষ্ঠানটো উদ্ধোধন কৰিব অসমীয়া ছবিজগতৰ মোহময়ী অভিনেত্ৰী ” বৰষা ৰাণী বিষয়াই ”
উপস্থিত থাকিব সদৌ অসম ছাত্ৰ সন্থাৰ উপদেষ্টা প্ৰকাশ চন্দ্ৰ দাস,কামৰূপ জিলা ছাত্ৰ সন্থাৰ সাধাৰণ সম্পাদক পংকজ কলিতাৰ লগতে আৰু বহুসংখ্যক কাৰ্যকৰ্তাবৃন্দ। যি সকল ছাত্ৰ ছাত্ৰীয়ে এই বিহু নাচ কৰ্মশালাত অংশগ্ৰহণ কৰিব বিচাৰে তেখেত সকলক পশ্চিম বংশৰ আঞ্চলিক ছাত্ৰ সন্থাৰ সাধাৰণ সম্পাদক ৰুবুল কলিতাৰ (৬৯০০২৫০৮৫৯) আৰু বামুন্দী শাখা ছাত্ৰ সন্থাৰ সভাপতি প্ৰাঞ্জল কলিতাৰ (৮৮৭৬৫৫৫৯৯৪)লগত যোগাযোগ কৰিবলৈ অনুৰোধ জনোৱা হৈছে।