ভাৰতত ক’ভিড-১৯ত পুৰুষতকৈ মহিলাৰ মৃত্যুৰ হাৰ অধিক ।
দৈনন্দিন বাৰ্তা
সমীক্ষাত প্ৰথমে দেখা গৈছিল যে ক’ভিড-১৯ পুৰুষৰ বেছিকৈ সংক্ৰমণ হয়৷ কিন্তু শেহতীয়া ছবিত দেখা গৈছে যে এই ৰোগত ভাৰতত মহিলাৰ মৃত্যুৰ সংখ্যা বেছি৷ যোৱা ২০ মে’ৰ তথ্য মতে পাঁচ বছৰৰ শিশুৰ পৰা বয়স্কৰ মাজত ক’ভিড-১৯ সমানে সংক্ৰমিত হয়৷ পুৰুষ ৬৬ শতাংশ আৰু মহিলা ৩৪ শতাংশ এই ৰোগত আক্ৰান্ত হৈছে৷ অথচ মুঠ সংক্ৰমিতৰ মাজত পুৰুষৰ মৃত্যুৰ হাৰ ২.৯ শতাংশৰ বিপৰীতে মহিলাৰ মৃত্যুৰ হাৰ ৩.৩ শতাংশ৷ নতুন সমীক্ষাত দেখা গৈছে যে দেশত এই ভাইৰাছত আক্ৰান্ত সকলৰ ভিতৰত বেছি বিপদ ছোৱালীৰ ক্ষেত্ৰত৷ দেশ-বিদেশৰ লিংগ ভেদে সমীক্ষা কৰাৰ পাছত বিজ্ঞানী আৰু গৱেষকসকলে এই তথ্য লাভ কৰিছে৷ সমীক্ষা মতে ২৯-৩০ বছৰৰ যুৱতীৰ মাজত মৃত্যুৰ হাৰ ২১.৩ শতাংশ৷ তাৰ ওপৰৰ বয়সৰ পৰা ৮০ বছৰৰ ভিতৰত মহিলাৰ মৃত্যুৰ হাৰ ৪৮.৫ শতাংশ৷ ইয়াৰ বিপৰীতে ৬০ বয়স বা তাৰ ওপৰৰ বয়সৰ পুৰুষৰ ক্ষেত্ৰত ৫০.৭ শতাংশ৷ এই বয়সৰ মহিলাৰ মৃত্যুৰ হাৰ ৫৪.৫ শতাংশ৷ অৱশ্যে শিশু আৰু কিশোৰ-কিশোৰীৰ মৃত্যুৰ হাৰ কম৷