কৰ্ণাটকত কংগ্ৰেছক জয়ী কৰাত গুৰুত্বপূৰ্ণ ভূমিকা গ্ৰহণ কৰে ৫ জন কৌশলবিদে ।২০২৩ চনৰ কৰ্ণাটক বিধানসভা নিৰ্বাচনত কংগ্ৰেছে বিজেপি আৰু জেডিএছৰ আধিপত্য ভাঙি একপক্ষীয় জয় পঞ্জীয়ন কৰিছে। ২০১৯ চনৰ লোকসভা নিৰ্বাচনত বেয়াকৈ পৰাস্ত হোৱা কংগ্ৰেছৰ বাবেও ইয়াক এক বৃহৎ প্ৰত্যাৱৰ্তন হিচাপে দেখা গৈছে।কংগ্ৰেছে প্ৰায় ১৪০খন আসন লাভ কৰি ২০০৪ চনৰ পিছত সকলো অভিলেখ ভংগ কৰিছে। য’ত কংগ্ৰেছে প্ৰচাৰৰ বাবে ছোনিয়া গান্ধী, মল্লিকাৰ্জুন খৰ্গে, ৰাহুল, প্ৰিয়ংকা, ডি কে শিৱকুমাৰ আৰু সিদ্ধাৰমাইয়াক সন্মুখত ৰাখিছিল।একে সময়তে তেনে ৫ জন নেতা আছিল, যিয়ে পৰ্দাৰ আঁৰৰ পৰাই বিজয়ৰ কৌশল প্ৰস্তুত কৰি আছিল। এই কৌশলৰ অংশ হিচাপে দুৰ্নীতিৰ বিৰুদ্ধে অভিযান আৰম্ভ কৰা হৈছিল, যিটো সমগ্ৰ নিৰ্বাচনত আটাইতকৈ ফলপ্ৰসূ বুলি বিবেচিত হৈছিল।
এই ৫ জন কৌশলবিদৰ বিষয়ে জানক যিয়ে কংগ্ৰেছক জয়ী কৰাত গুৰুত্বপূৰ্ণ ভূমিকা পালন কৰিছিল…
১/ ৰণদীপ সিং সুৰজেৱালা- ২০২০ চনত কংগ্ৰেছে কে চি ভেনুগোপালৰ ঠাইত কৰ্ণাটকৰ ভাৰপ্ৰাপ্ত সাধাৰণ সম্পাদক হিচাপে ৰনদীপ সিং সুৰজেৱালাক নিযুক্তি দিয়ে। সেই সময়ত কৰ্ণাটকত চৰকাৰ গঠনৰ পিছত কংগ্ৰেছৰ ভিতৰত আভ্যন্তৰীণ দলবাদৰ শিখৰত উপনীত হৈছিল।
২/ এম বি পাটিল- এইবাৰ কংগ্ৰেছৰ নিৰ্বাচনী প্ৰচাৰ আক্ৰমণাত্মক আছিল। নিৰ্বাচনী প্ৰচাৰত কংগ্ৰেছে বহু পৰীক্ষা-নিৰীক্ষা কৰিছিল। শেষৰ পৰ্যায়ত ৰাহুল গান্ধীয়ে বাছত মানুহৰ লগত কথা পাতি থকা দেখা গৈছিল, যাৰ বিষয়ে বহু চৰ্চিত হৈছিল।
এইবাৰ কংগ্ৰেছে দুৱাৰে দুৱাৰ প্ৰচাৰ, জনসভা আৰু ৰোড শ্ব’ৰ ওপৰত গুৰুত্ব আৰোপ কৰিলে। শেষ মুহূৰ্তত ছোনিয়া গান্ধীৰ ৰেলীৰো আয়োজন কৰা হয়। স্থানীয় দুগৰাকী বিশিষ্ট নেতা সিদ্দাৰমাইয়া আৰু শিৱকুমাৰক জ’ন ভিত্তিক অভিযানৰ দায়িত্ব দিয়া হৈছিল।
৩) সুনীল কানুগোলু- সমগ্ৰ ভাৰত পৰ্যায়ৰ কংগ্ৰেছৰ নিৰ্বাচনী কৌশলী সুনীল কানুগোলুৱেও সমগ্ৰ নিৰ্বাচনলৈকে কৰ্ণাটকত শিবিৰ পাতি থাকিল। কানুগোলু আৰু তেওঁৰ দলটোৱে জৰীপ, প্ৰচাৰ, প্ৰাৰ্থী বাছনি আৰু বিজয়ী কৌশল প্ৰস্তুত কৰাত মুখ্য ভূমিকা পালন কৰিছিল।
৪) শশীকান্ত সেনথিল- কৰ্ণাটকৰ নিৰ্বাচনত প্ৰতিখন আসনত নিজৰ কৌশল ৰূপায়ণ কৰিবলৈ কংগ্ৰেছে বেংগালুৰুত এটা যুদ্ধ কক্ষ স্থাপন কৰিছিল। কংগ্ৰেছৰ এই যুদ্ধ কক্ষটোৱে কৌশল বনোৱাৰ লগতে সমন্বয়ও কৰিছিল।
৫) জি পৰমেশ্বৰ- এইবাৰ কৰ্ণাটকৰ নিৰ্বাচনত কংগ্ৰেছৰ ইস্তাহাৰ লাইমলাইটত আছিল। এই ৬২ পৃষ্ঠাৰ ইস্তাহাৰে প্ৰতিযোগিতাখনক দুপক্ষীয় কৰি তোলাত ফলপ্ৰসূ ভূমিকা পালন কৰিছিল। বজৰং দলত নিষেধাজ্ঞা আৰোপ কৰাৰ প্ৰতিশ্ৰুতি কংগ্ৰেছৰ বাবে লাভজনক হৈ পৰিছিল আৰু দলটোৱে মুছলমানৰ ঐক্যবদ্ধ ভোট লাভ কৰিছিল।
কৰ্ণাটকৰ নিৰ্বাচনৰ ফলাফলৰ পিছতে চৰ্চালৈ আহিছে এই ৫ জন ব্যক্তিৰ নাম।