দৈনন্দিন বাৰ্তা ডেস্ক : ভাৰতত যোৱা ২৪ ঘণ্টাত নতুনকৈ ক’ৰোনাত ৫২০৫০ জন আক্ৰান্তৰ হয়৷ এই তথ্য কেন্দ্ৰীয় স্বাস্থ্য মন্ত্ৰালয়ৰ৷ এনে সময়ত আমেৰিকাত ৪৫৫৭০ আৰু ব্ৰাজিলত ১৬৬৪১ জন আক্ৰান্ত হৈছে৷ অৰ্থাৎ আক্ৰান্তৰ হিচাপত আমেৰিকা আৰু ব্ৰাজিলৰ ওপৰত আছে ভাৰত৷ এই বৃদ্ধিৰ বাবে ভাৰতত মুঠ ক’ৰোনাত আক্ৰান্তৰ সংখ্যা ১৮ লাখ ৫৫ হাজাৰ ৭৪৫ জন হয়গৈ৷ দ্বিতীয় স্থানত থকা ব্ৰাজিলত মুঠ আক্ৰান্ত হ’ল ২৭ লাখ ৫০ হাজাৰ আৰু প্ৰথম স্থানত থকা আমেৰিকাত ৪৭ লাখ ১৩ হাজাৰজন আক্ৰান্ত হৈছে ৷ যোৱা ২৪ ঘণ্টাত ভাৰতত মুঠ সংক্ৰমণৰ হাৰ ৭.৮৬ শতাংশ। যোৱা ২৪ ঘণ্টাত ভাৰতত ক’ৰোনা পৰীক্ষা হৈছে ৬ লাখ ৬১ হাজাৰ ৮৯২ জনৰ ৷ ভাৰতত ক’ৰোনত আক্ৰান্তৰ মুঠ ১২ লাখ ৩০ হাজাৰ ৫০৯ জন সুস্থ হৈছে৷ অৰ্থাৎ আক্ৰান্তৰ প্ৰায় ৬৬ শতাংশ সুস্থ হৈছে৷ যোৱা ২৪ ঘণ্টাত ৪৪ হাজাৰ ৩০৬ জন সুস্থ হয় ৷
