আমাৰ মাজৰ পৰা ক্ৰমে হেৰাই যাবলৈ ধৰা অন্য এক সংস্কৃতি পুতলা থিয়েটাৰক নতুন ৰূপ দি অত্যাধুনিক কাৰিকৰী কৌশলেৰে ৰাইজৰ মাজলৈ উলিয়াই অনাৰ মানসেৰে ড০ ভূপেন হাজৰিকাৰ পবিত্ৰ স্মৃতিত গঢ়লৈ উঠা এক অভিনৱ প্ৰস্তুতিৰে একাদশ বৰ্ষত ভৰি দিছে ৰংঘৰ পুতলা থিয়েটাৰ।
পোন প্ৰথমবাৰৰ বাবে ওদালগুৰি জিলাৰ টংলা থানাৰ অন্তৰ্গত পলাহগড়ৰ পূব টংলা আঞ্চলিক সাংস্কৃতিক যুৱ মঞ্চৰ সৌজন্যত পলাহগড় খেল পথাৰত নগাঁৱৰ ৰংঘৰ পুতলা থিয়েটাৰে নাট প্ৰদৰ্শন কৰে।
উক্ত পুতুলা থিয়েটাৰখনত হৃদয়স্পৰ্শী ,কাহিনী সংলাপ আৰু অভিনয়ৰ পূৰ্ণ প্ৰস্তুতিৰে ২০২২-২০২৩ বৰ্ষৰ নাট সমূহ হৈছে কাৰ্গিল যুদ্ধৰ আধাৰত ৰচিত ক্ষিতীশ বৰাৰ “মেজৰ চাহাব,” ৰুবুল মহন্তৰ “জন্মাষ্টমী “আৰু ৰঞ্জু হাজৰিকাৰ কাহিনীৰ আধাৰত দ্বিপজ্যোতি শইকীয়াৰ নাট্যৰূপ “শেষ প্ৰহৰৰ খেল “লগতে ক্ষিতীশ বৰাৰ” ভাড়াঘৰ “মঞ্চস্থ কৰা হ’ব বুলি উদ্যোক্তাই জানিবলৈ দিয়ে।
আনহাতে থিয়েটাৰখনৰ কাৰ্যবাহী প্ৰযোজক হিচাপে ক্ষিতীশ বৰা, পুষ্প বৰা, সহযোগী প্ৰযোজক টংকেশ্বৰ বৰদলৈ,ধনমণি বৰা আৰু মুখ্য প্ৰযোজক হিচাবে থানুৰাম বৰাই আগভাগ লৈ আছে।