দৈনন্দিন বাৰ্তাৰ সেৱা,ননৈ
সমগ্ৰ বিশ্ব লগতে দেশৰ অন্যান্য প্ৰান্তৰ ওপৰি নগাঁৱত ৫ জুন বিশ্ব পৰিৱেশ দিৱৰ দিনা জিলা আইন সেৱা প্ৰাধীকৰণৰ উদ্যোগত বিশ্ব পৰিৱেশ দিৱসটি উদযাপন কৰা হয় ৷ পুৱা দহ বজাত নগাঁও ন্যায়িক আদালত ভৱনৰ চৌহদত এটি গছ পুলি ৰূপন কৰি এই কাৰ্যসূচীৰ মুকলি কৰে নগাঁও জিলা ও সত্ৰ ন্যায়াধীশ তথা জিলা আইন সেৱা প্ৰাধীকৰণ নগাঁৱৰ অধ্যক্ষ মৃদুল কুমাৰ কলিতাই ৷ নগাঁও ন্যায়িক আদালত ভৱনৰ বিভিন্ন বিভাগৰ সমূহ বিষয়া-কৰ্মচাৰীৰ মাজত দুটিকৈ গছপুলি বিতৰণ কৰা এই কাৰ্যসূচীৰ আতঁধৰে আইন সেৱা প্ৰাধীকৰণ নগাঁৱৰ সচিব মনালিছা দাসে ৷ আজিৰ এই অনুষ্ঠানত উপস্থিত থাকে মটৰ দূৰ্ঘটনা নিস্পতি ন্যায়াধীকৰণৰ সদস্য আবু বক্কৰ চিদ্দিক,অতিৰিক্ত জিলা ও সত্ৰ ন্যায়াধীশ কাঞ্চন নেৱাৰ,মূখ্য ন্যায়িক দণ্ডাধীশ জ্যোৎস্না দাস,অতিৰিক্ত মূখ্য ন্যায়িক দণ্ডাধীশ চালেহ আহমদ,প্ৰথম শ্ৰেণীৰ ন্যায়িক দণ্ডাধীশ ক্ৰমে-এফ.ৱাই.লয়,দৃঢ়তা কাকতি,সুজাতা কুৰ্মীৰ লগতে সমূহ আদালতৰ বিষয়া-কৰ্মচাৰী তথা আইন সেৱা প্ৰাধীকৰণ নগাঁৱৰ কৰ্মচাৰী, অৰ্ধআইনী স্বেচ্ছাসেৱী সকল উপস্থিত থাকে ৷ উল্লেখ্য যে, ৫ জুন বিশ্ব পৰিৱেশ দিসৱ উপলক্ষে সকলোৰে সম্পূৰ্ণ সামাজিক দূৰত্বৰ প্ৰতি লক্ষ্যৰাখি আইন সেৱা প্ৰাধীকৰণ নগাঁৱৰ তৰফৰ পৰা প্ৰায় পাঁচ শতাধিক ভিন্ন বিধ মূল্যৱান তথা ফলমুলৰ গছ পুলি বিতৰণ কৰাৰ লগতে নগাঁৱৰ কেন্দ্ৰীয় আৰু বিশেষ দুয়োখন কাৰাগাৰতে নানাবিধ গছপুলি বিতৰণ কৰা হয় ৷ আনহাতে, শেনছোৱাৰ এখনি অসমীয়া মাধ্যমৰ অগ্ৰণী শিক্ষানুষ্ঠান শংকৰদেৱ শিশু বিদ্যা নিকেতনতো আজি পৰিচালনা সমিতিয়ে আচাৰ্য-আচাৰ্যা আৰু অভিভাৱক সকলৰ সহযোগত সামাজিক দূৰত্ব বজাই ৰাখি নিকেতন চৌহদত প্ৰায় শতাধিক ফলমূলকে ধৰি মূল্যৱান গছপুলি ৰোপন কৰে। ইফালে,নগাঁৱৰ এটি অগ্ৰণী স্বেচ্ছাসেৱী অনুষ্ঠান কলংভেলী বহুমুখী উন্নয়ন সমিতিয়ে বেবেজীয়া-বৰঘাট-উৰিয়াগাওঁ বাইপাছ আৰু নগাঁও-চিধা মৰিগাওঁ ৰাজ্যিক পথৰ কাষত বিশ্ব পৰিৱেশ দিৱসৰ লগত সংগতি ৰাখি পথচাৰিক ভৱিৎষ্যতে চাঁ দিবৰ নিমিৰ্তে শতাধিক ভিন্নবিধ গছপুলি ৰূপন কৰে ৷