উজনি-মাজুলী : মাজুলীৰ যুৱ কবি ,সাংবাদিক পাপু বৰাৰ দ্বাৰা সম্পাদিত আৰু প্ৰকাশিত দ্বি -মাসিক কাব্যালোচনী পলসৰ উদ্যোগত আয়োজিত ৰচনা প্ৰতিযোগিতাৰ দিন ১২ জুলাইৰ পৰিৱৰ্তে ১৫ জুলাইলৈকে বৃদ্ধি কৰা হৈছে। অমৰ শিশুপ্ৰাণ অমৰেন্দ্ৰ বৰুৱাৰ পৱিত্ৰ স্মৃতিত আয়োজিত ৰচনা প্ৰতিযোগিতাখনিৰ নিম্ন শাখাত তৃতীয় শ্ৰেণীৰ পৰা অষ্টম শ্ৰেণীলৈ আৰু উচ্চ শাখাত নৱম মানৰ পৰা দ্বাদশ শ্ৰেণীলৈ অন্তৰ্ভুক্ত কৰা হব। উল্লেখ্য নিম্ন শাখাৰ ৰচনাৰ বিষয়বস্ত হৈছে “মাজুলীৰ বানপানীৰ সমস্যা”আৰু উচ্চ শাখাৰ বিষয়বস্ত হৈছে”মাজুলী নিমাতী সংযোগী দলং “আগ্ৰ্হী ছাত্ৰ-ছাত্ৰী সকলে ৫০০ শব্দৰ ভিতৰত পাপু বৰা, সম্পাদক পলস, নতুন খলিহামাৰী, ডাক -ভুৰামৰা, মাজুলী, পিন ৭৮৫১০৪ ঠিকনাত প্ৰেৰণ কৰিব পাৰিব। সবিশেষ জানিবৰ বাবে পলসৰ সম্পাদকৰ লগত ৭০০২৬২৪৭৫২ নম্বৰত যোগাযোগ কৰিব পাৰিব।
