ক’ৰোনাত আক্ৰান্তৰ লগতে মৃত্যুৰ সংখ্যা বৃদ্ধি : পশ্চিম বংগ, বিহাৰ, ওড়িশ্যা, অসমলৈ পত্ৰ কেন্দ্ৰৰ ৷

দৈনন্দিন বাৰ্তা ডেস্ক :

দিনক দিনে ক’ৰোনাত আক্ৰান্তৰ লগতে মৃত্যুৰ সংখ্যা বৃদ্ধি পাইছে দেশৰ চাৰিখন ৰাজ্যত ৷ পশ্চিম বংগ, বিহাৰ, ওড়িশ্যা আৰু অসমত ক’ৰোনা সংক্ৰমণ ৰোধ কৰিবৰ বাবে কেন্দ্ৰই চিঠি দিছে ৷ চিঠিত কনটেনমেণ্ট জ’নত কঠোৰ হৈ লকডাউন কৰিবলৈ আৰু মৃত্যুৰ হাৰ এক শতাংশৰ তলত ৰাখিবলৈ নিৰ্দেশ দিয়া হৈছে ৷ ইয়াৰ বিপৰীতে মহাৰাষ্ট্ৰ, তামিলনাডু, গুজৰাটত যিদৰে গড় হিচাপত দিনে দুহেজাৰকৈ সংক্ৰমিত হৈছে, সেইবোৰৰ বিপৰীতে এই চাৰিখন ৰাজ্যলৈ চিঠি দিয়াক লৈ ৰাজনীতি আছে বুলি সচেতন মহলে মত প্ৰকাশ কৰিছে ৷ স্বাস্থ্য মন্ত্ৰালয়ৰ চিঠিত প্ৰতি এক লাখৰ ভিতৰত নূন্যতম ১৪ জনৰ ক’ৰোনা পৰীক্ষা কৰিবলৈ কোৱা হৈছে ৷ লগতে সেই পৰীক্ষাত ১০ শতাংশৰ বেছি মানুহ যাতে আক্ৰান্ত নহয় তাৰ প্ৰতিও দৃষ্টি দিবলৈ কোৱা হৈছে ৷ এই সংক্ৰমণ কমাবৰ বাবে কেইটামান ঔষধৰ কথা উল্লেখ কৰিছে কেন্দ্ৰীয় স্বাস্থ্য সচাব লৱ আগৰৱালাই৷ পত্ৰখনত উল্লেখ কৰিছে যি কনটেনমেণ্ট জ’নত তীক্ষ্ণ দৃষ্টি ৰাখিব লাগিব ৷ একেদৰে তীক্ষ্ণ নজৰ ৰাখিব লাগিব বাফাৰ জ’নতো ৷ তাৰ লগতে ক’ৰোনা পৰীক্ষা বঢ়াব লাগিব৷ যোৱা কেইটামান দিনত যিসকল আক্ৰান্ত হৈছে তেওঁলোকৰ সংস্পৰ্শলৈ অহা ব্যক্তিক তৎকালে চিনাক্ত কৰিব লাগিব ৷ অহা তিনি দিন তেওঁলোকক আইচলেচনত ৰখা হ’ব ৷ তেওঁলোকৰ মাজত উপসৰ্গ দেখা দিছে নেকি সেয়া নজৰত ৰখা হ’ব ৷