India Israel arms export: ভাৰতৰ পৰা ইজৰাইললৈ অস্ত্ৰ-শস্ত্ৰ, সামৰিক সজুলিৰ ৰপ্তানি বাতিলৰ বাবে সৰ্বোচ্চ ন্যায়ালয়ত আবেদন

ভাৰতৰ পৰা ইজৰাইললৈ অস্ত্ৰ-শস্ত্ৰ, সামৰিক সজুলি ৰপ্তানিৰ ওপৰত নিষেধাজ্ঞাৰ দাবী (SC on India Israel arms export)

নতুন দিল্লী, ৪ ছেপ্তেম্বৰ: ভাৰতৰ সৰ্বোচ্চ ন্যায়ালয়ত এখন জনস্বাৰ্থ জড়িত আবেদন দাখিল কৰি ভাৰতৰ পৰা ইজৰাইললৈ সশস্ত্ৰ সামগ্ৰী আৰু অন্যান্য সামৰিক উপকৰণৰ ৰপ্তানীৰ লাইচেঞ্চ বাতিল কৰিবলৈ কেন্দ্ৰীয় চৰকাৰক নিৰ্দেশ দিবৰ বাবে আহ্বান জনোৱা হৈছে(India Israel arms export)। আবেদনখনত ইজৰাইলৰ গাজা ষ্ট্ৰিপত হৈ থকা যুদ্ধত জড়িত থকাৰ প্ৰসংগ বৰ্ণনা কৰি এই ৰপ্তানি আন্তঃৰাষ্ট্ৰীয় মানৱীয় আইন(Violations of international humanitarian law) আৰু ভাৰতৰ বিভিন্ন আন্তঃৰাষ্ট্ৰীয় চুক্তিৰ উলংঘন বুলি উল্লেখ কৰা হৈছে ।

আবেদনখনৰ যুক্তি

প্ৰসিদ্ধ অধিবক্তা প্ৰশান্ত ভূষণ(Prashant Bhushan)কে ধৰি ১১ গৰাকী লোকে দাখিল কৰা এই জনস্বাৰ্থ জড়িত আবেদনখনত কোৱা হৈছে যে ভাৰতে ইজৰাইলক সশস্ত্ৰ সামগ্ৰী যোগান ধৰাটো এটা গৰ্হিত কাম, যিয়ে আন্তঃৰাষ্ট্ৰীয় মানৱীয় আইন আৰু ভাৰতৰ আন্তঃৰাষ্ট্ৰীয় চুক্তিৰ পৰিপন্থী। এনে পৰিস্থিতিত, ইজৰাইলক সামৰিক উপকৰণ যোগান ধৰাটো সম্পূৰ্ণৰূপে ভুল নীতি, যি যুদ্ধ অপৰাধৰ অন্তৰ্ভুক্ত হ’ব পাৰে।

আন্তঃৰাষ্ট্ৰীয় ন্যায়ালয়ৰ সিদ্ধান্ত আৰু ইয়াৰ প্ৰভাৱ

আন্তঃৰাষ্ট্ৰীয় ন্যায়ালয়ে চলিত বছৰৰ ২৬ জানুৱাৰীত গাজা ষ্ট্ৰিপত চলি থকা যুদ্ধৰ সন্দৰ্ভত ইজৰাইলৰ বিৰুদ্ধে সাময়িক ব্যৱস্থা গ্ৰহণ কৰি যুদ্ধ, গণহত্যা, আৰু চলাই যোৱা ধ্বংসৰ অভিযান বন্ধ কৰিবলৈ নিৰ্দেশ দিছিল। আন্তঃৰাষ্ট্ৰীয় ন্যায়ালয়ৰ সিদ্ধান্তৰ আলোচনাত, আমেৰিকা যুক্তৰাষ্ট্ৰৰ বিভিন্ন বিশেষজ্ঞই সতর্কবাণী প্ৰদান কৰি উল্লেখ কৰিছিল যে ইজৰাইলক অস্ত্ৰ যোগান ধৰাটো(Military equipment to Israel) আন্তঃৰাষ্ট্ৰীয় অপৰাধৰ অংশ হ’ব পাৰে।

ভাৰতৰ সৰ্বোচ্চ ন্যায়ালয়ত দাখিল কৰা আবেদনখনত উল্লেখ কৰা হৈছে যে ভাৰতে ইজৰাইলৰ দৰে ৰাষ্ট্ৰবোৰক অস্ত্ৰ যোগান ধৰাটো বন্ধ কৰাৰ আৱশ্যক, যাতে ভাৰতৰ দ্বাৰা আন্তঃৰাষ্ট্ৰীয় আইন উলংঘন নহয়।

লগতে পঢ়ক: Anti-Rape Bill: পশ্চিমবংগ বিধানসভাত গৃহীত ধৰ্ষণ বিৰোধী বিধেয়ক ‘অপৰাজিতা’