লাকুৱা বৰবৰুৱা মৈদামস্থিত অ’এনজিচিৰ ৪ নং জি.জি.এছৰ পৰা নিশা বিকৃত শব্দ : আতংকিত জনগণ

দিলীপ হাজৰিকা :

বাঘজানৰ ঘটনাৰ পাছত লাকুৱাত থকা অ’এনজিচিৰ ১৩ টা তেল গননৰ কূপৰ বৰবৰুৱা মৈদামৰ ৪ নং জিজিএছত যোৱা নিশা হো শব্দ হোৱাত লাকুৱাৰ বৰবৰুৱাৰ মৈদামবাসী আতংকিত হৈ পৰে। লাকুৱাটো অনুৰোপ ঘটনা ঘটাৰ আশংকা কৰিছে। যাৰ বাবে স্থানীয় ৰাইজ উলাই আহি জিজিএছটোৰ কাম কাজ বন্ধ কৰি দিছে। লগতে কৰ্তৃপক্ষক শব্দৰ উৎসৰ বিষয়ে প্ৰশ্ন উত্থাপন কৰিছে। ইফালে স্থানীয় ৰাইজে অভিযোগ কৰিছে যে অ’এনজিচি য়ে জিজিএছৰ পৰা ওলোৱা ৰাসায়নিক যুক্ত পদাৰ্থ, পানী কাষৰ খেতি পথাৰ সমুহলৈ বোৱাই দিয়াত খেতি পথাৰ সমুহ প্ৰদুষিত হৈ পৰিছে। লগতে জনসাধাৰণৰ স্বাস্থ্যৰ প্ৰতি ভাবুকি নামি আহিছে, আনকি কাষেৰে বৈ যোৱা দিচাং নদীটো এই পানী পেলাই দিয়াত নদীৰ মাছ, কাছ জলজ সম্পদলৈও ভাবুকি আহিছে। স্থানীয় ৰাইজে ইয়াৰ সুব্যৱস্থা গ্ৰহণৰ বাবে প্ৰশাসন কৰ্তৃপক্ষক দাবী জনাইছে।