গুৱাহাটী, ২৭ অক্টোবৰঃ ভাৰতীয় ফুটবলৰ যুৱ প্ৰতিভা বিকাশত ইণ্ডিয়ান ছুপাৰ লীগৰ অবিৰত অবদান অনন্য৷ আইএছএলৰ(ISL Parthiv Gogoi) প্ৰতিটো দলতে তাৰকা থকাৰ সময়তে কেবাগৰাকীও খেলুৱৈয়ে নিজৰ দক্ষতা আৰু প্ৰতিভাৰে চমক সৃষ্টি কৰি নায়কৰ দৰেই আবিৰ্ভাৱ হৈছে৷
আইএছএলে আৰম্ভনিৰ বৰ্ষৰ পৰাই সমগ্ৰ ভাৰততে অধিক যুৱ প্ৰতিভাৰ সমাহাৰ কৰাৰ ক্ষেত্ৰত অগ্ৰনি ভূমিকা পালন কৰিছে৷
নৰ্থ ইষ্ট ইউনাইটেড(Northeast United) এফ চিৰ যুৱ তাৰকা অসম সন্তান পাৰ্থিব গগৈ আইএছএলৰ মঞ্চৰ পৰাই জন্ম হোৱা ভাৰতীয় ফুটবলৰ নতুন আশাৰ বন্তী৷
নিজৰ ক্ষমতা, খেলপথাৰত বল নিয়ন্ত্ৰণ কৰাৰ দক্ষতা আৰু দীৰ্ঘ দূৰত্বৰ পৰাই শক্তিশালী শ্বট লোৱাৰ প্ৰতিভা থকা পাৰ্থিৱে যোৱা ছিজনতে বিশেষজ্ঞৰ মনজয় কৰাৰ লগতে অনুৰাগীৰো প্ৰিয় হৈ পৰিছিল৷
উল্লেখ্য যে ২১ বছৰীয়া ফৰৱাৰ্ডগৰাকীয়ে যোৱা আই এছ এলত পাঁচটা গ’ল দিয়াৰ লগতে চাৰিটা গ’লত সহায় কৰিছিল৷
নৰ্থ ইষ্ট ইউনাইটেডে ঐতিহাসিক ডুৰাণ্ড কাপৰ খিতাপ জয় কৰাতো অসম সন্তানৰ ভূমিকা গুৰুত্বপূৰ্ণ আছিল৷ পাৰ্থিৱে ফাইনেলত মোহন বাগানৰ বিৰুদ্ধে পেনাল্টি শ্বুটআউটত গল কৰি জয়ৰ পথ সাজু কৰিছিল৷
চলিত আইএছএলৰ শনিবাৰৰ গুৱাহাটীৰ মেচত জামছেদপুৰ এফচিৰ বিৰুদ্ধে নৰ্থ ইষ্ট ইউনাইটেডৰ ইতিহাসৰ শ্ৰেষ্ঠ জয়ৰ সফলতাত পাৰ্থিৱে মুখ্য ভূমিকা লয়(Head Coach Benali৷ ৫-০ত জয়ী হোৱা মেচখনত পাৰ্থিৱে দুটাকৈ গল কৰি আইএছএলত ১০টা গল কৰা খেলুৱৈ ৰূপে পৰিগনিত হয়৷
ইফালে, গলৰ সংখ্যা দহক কৰি দলৰ হৈ আই এছ এলত সৰ্বাধিক গল কৰাৰ তালিকাৰ তৃতীয় স্থানত উপনিত হয় পাৰ্থিৱ(Sunil Chhetri)৷
ইয়াৰপূৰ্বে বাৰ্থলমিউ অগবেচে আৰু দেশৰ্ণ ব্ৰাউনে বাৰটাকৈ গ’ল কৰিছিল৷ ইফালে, ২২ বছৰ বয়সতে সৰ্বাধিক গল কৰাৰ অভিলেখো আইএএলত গঢ়িলে পাৰ্থিৱে৷
‘পাৰ্থিব এজন সুদক্ষ খেলুৱৈ আৰু দলত সুযোগো পাইছে৷ তেওঁ আগবাঢ়ি যোৱাৰ প্ৰয়োজন৷ তেওঁৰ বাবে অন্তিম সীমা আকাশ৷ এইসময়ত প্ৰতিটো দিনেই তেওঁ অধিক কঠোৰ পৰিশ্ৰম কৰিব লাগিব৷
এয়া কৰিব পাৰিলে মই ক’ম পাৰ্থিৱ ভাৰতৰ ভৱিষ্যতৰ সুনীল ছেত্ৰী হ’ব৷’ নৰ্থ ইষ্ট ইউনাইটেডৰ মুখ্য প্ৰশিক্ষক জুৱান পেড্ৰ’ বেনালি কয়৷
২০২৭ চনলৈ নৰ্থ ইষ্ট ইউনাইটেডৰ সৈতে চুক্তি বৃদ্ধি কৰা পাৰ্থিৱৰ ক্লাবৰ লগত গভীৰ সম্পৰ্ক গঢ়ি উঠিছে৷ নিজৰ যাত্ৰাৰ বিষয়ে পাৰ্থিৱে কয়, আইএছএলত মুম্বাই চিটি এফচিৰ বিৰুদ্ধে মোৰ প্ৰথমটো পেছাদাৰী গ’ল কেতিয়াও পাহৰিৱ নোৱাৰো৷
আনহাতে, শ্বিলং লাজঙৰ বিৰুদ্ধে হেট্ৰিকৰ স্মৃতিও অনন্য৷ নৰ্থ ইষ্ট ইউনাইটেডত থাকিলে ঘৰৰ দৰে অনুভৱ হয়৷ মই আন ক’তো থকাৰ কথা কল্পনা কৰিব নোৱাৰো৷’
ইফালে, চলিত ছিজনত নৰ্থ ইষ্ট ইউনাইটেডে প্ৰথমবাৰৰ বাবে মেঘালয়ৰ শ্বিলঙতো ঘৰুৱা মেচ খেলিব৷
প্ৰশিক্ষক বেনালীয়ে নৰ্থ ইষ্ট ইউনাইটেডৰ দৰ্শনৰ বিষয়ে ব্যক্ত কৰি কয় যে উত্তৰ-পূবৰ আঠখন ৰাজ্যৰ স্থানীয় প্ৰতিভাক স্কাউটিং আৰু লালন-পালন কৰাটো ক্লাবৰ মুল কাম(Assamese FC)৷
‘ক্লাবৰ দৰ্শন একেবাৰে স্পষ্ট৷ আমি প্ৰতিখন ৰাজ্যলৈ গৈ প্ৰতিভা বিচাৰিম৷ ইতিমধ্যে ষ্টাফ আৰু মেনেজমেণ্টে বহল ভিত্তিত স্কাউটিং কৰিছে আৰু আমি বহুত প্ৰতিভা পাইছো৷
জন আব্ৰাহাম আৰু চিইঅ’ মাণ্ডাৰ টামহানেৰ এই দিশত স্পষ্ট ধাৰণা আছে আৰু ক্লাবেও ইয়াৰ পৰা লাভৱান হোৱাৰ প্ৰৱণতা আছে৷’ বেনালিয়ে লগতে হয়৷
উল্লেখ্য, নৰ্থ ইষ্ট ইউনাইটেডে এতিয়ালৈকে ছখন খেলত দুখনকৈ জয়, পৰাজয় আৰু ড্ৰ’ কৰিছে৷ আঠ পইণ্টেৰে তালিকাৰ পঞ্চম স্থানত গুৱাহাটীৰ দলটো আছে৷
অহা তিনি নৱেম্বৰত গুৱাহাটীৰ সৰুসজাই ক্ৰীড়া প্ৰকল্পৰ ইন্দিৰা গান্ধী এথলেটিক ষ্টেডিয়ামত আবেলি পাঁচ বজাত হ’বলগা মেচত দলে ওড়িছা এফচিৰ বিৰুদ্ধে খেলিব৷