ঝাৰখণ্ড বিধানসভাত আস্থা ভোট বিচাৰিব মুখ্যমন্ত্ৰী হেমন্ত ছ’ৰেনে…

যোৱা সপ্তাহত শপত গ্ৰহণ কৰা ঝাৰখণ্ডৰ মুখ্যমন্ত্ৰী হেমন্ত ছ’ৰেনে সোমবাৰে ৰাজ্য বিধানসভাত আস্থা ভোট বিচাৰিব। জেএমএম আৰু বিৰোধীয়ে বিশেষ বিধানসভাৰ অধিৱেশনৰ বাবে কৌশল ৰচনা কৰিবলৈ পৃথক পৃথক বৈঠক অনুষ্ঠিত কৰে। আস্থা ভোটদানৰ পিছত হেমন্ত ছ’ৰেন কেবিনেট সম্প্ৰসাৰণ কৰিব বুলি কংগ্ৰেছ নেতা তথা বিধায়ক প্ৰদীপ যাদৱে সংবাদ মাধ্যমক জনায়।

৮১জনীয়া ঝাৰখণ্ড বিধানসভাত বৰ্তমান ৪৫জন বিধায়ক —জেএমএমৰ ২৭ জন,কংগ্ৰেছৰ ১৭ জন আৰু আৰজেডিৰ ১ জন বিধায়ক থকাৰ বাবে জেএমএম মিত্ৰজোঁটে আস্থা ভোট লাভ কৰাৰ সম্ভাৱনা আছে। ইফালে, বিজেপিৰ মুঠ ২৪ জন বিধায়ক। লোকসভা নিৰ্বাচনৰ পিছত ঝাৰখণ্ড বিধানসভাৰ বিধায়কৰ সংখ্যা হ্ৰাস পালে। ৮১ জনীয়া ঝাৰখণ্ড বিধানসভাৰ বৰ্তমান শক্তি ৭৬। সদনৰ মুঠ শক্তিও ৩৮ লৈ হ্ৰাস পাইছে। বিধানসভা নিৰ্বাচনৰ কেইবামাহো পূৰ্বে চম্পাই ছ’ৰেনে পদৰ পৰা পদত্যাগ কৰাৰ এদিন পিছতে ৪ জুলাইত ছ’ৰেনে ঝাৰখণ্ডৰ মুখ্যমন্ত্ৰী হিচাপে শপত গ্ৰহণ কৰিছিল।