ইণ্ডিয়া বুক অফ ৰেকৰ্ডছত জিলিকিল অভয়াপুৰীৰ কৃষ্টি শিখা অধিকাৰী। অসমৰ বঙাইগাঁও জিলাৰ অভয়াপুৰীৰ পাৰ্থ অধিকাৰী আৰু ড০ বন্দনা কলিতাৰ কন্যা ন বছৰীয়া কৃষ্টি শিখাই দ্বিভাষিক গীতেৰে ইণ্ডিয়া বুক অফ ৰেকৰ্ডছ’ত সন্নিবিষ্ট কৰিলে নিজৰ নাম।
প্ৰতিভাৱান কৃষ্টি শিখা অধিকাৰীয়ে ৪১ মিনিট ৩৪ ছেকেণ্ডত অবিৰতভাৱে ২১টা গীত গাই ৰাষ্ট্ৰীয় অভিলেখ গঢ়িবলৈ সক্ষম হয়।
তেওঁৰ অভিনয়ত ১৫টা অসমীয়া গীত আৰু ৬টা হিন্দী গীত আছিল। ইয়াৰ পূৰ্বে ২০২২ চনত ইণ্ডিয়া বুক অফ ৰেকৰ্ডছত নাম সন্নিবিষ্ট কৰাৰ উপৰিও ২০২৪ চনতো কৃষ্টি শিখাই ইণ্ডিয়া বুক অফ ৰেকৰ্ডছত নাম অন্তৰ্ভূক্ত কৰিবলৈ সক্ষম হয়।