পৃথিৱীৰ বহু দেশে ক’ৰোনা ভাইৰাছ ৰোধ কৰিবলৈ ঔষধৰ বাবে গৱেষণা কৰি আছে৷ এনে সময়তে মার্কিন সংস্থা জনছন এণ্ড জনছনে দিছে এক আশাৰ বতৰা৷ এই প্ৰতিষ্ঠানটোৰ পৰীক্ষাধীন ক’ভিড প্ৰতিষেধক এতিয়া মানুহৰ শৰীৰত প্ৰয়োগৰ সময় আহিছে বুলি জনাইছে৷ জুলাই মাহৰ মাজভাগত পৰীক্ষামূলকভাৱে মানৱ শৰীৰত প্রয়োগ কৰা হ’ব৷ এই ঘোষণাৰ পাছতে প্ৰতিষ্ঠানটোৰ শ্বেয়াৰৰ মূল্য তীব্ৰ গতিত বাঢ়িছে৷ ইয়াৰ মূল্য প্ৰায় ২০০ শতাংশ বৃদ্ধি পাইছে৷ মাৰ্চ মাহত মার্কিন চৰকাৰে প্ৰতিষ্ঠানটোৰ লগত এই সম্পৰ্কে এক চুক্তি কৰে৷ সেই চুক্তি মতে ২০২১ৰ মাজত ক’ভিডৰ প্রতিষেধকৰ ১০০ কোটি ডোজ তৈয়াৰ কৰা হ’ব৷ এতিয়া ১০৪৫ জনৰ ওপৰত পৰীক্ষামূলকভাৱে প্ৰতিষেধকটো প্ৰয়োগ কৰা হৈছে৷ এই সকলৰ বয়স ১৮ বছৰৰ পৰা ৫৫ বছৰ৷ তাৰ বেছি বয়সৰ মানুহৰ ওপৰতো প্ৰয়োগ কৰা হ’ব৷ ইবোলা, এইচআইভি আৰু জিকাৰ প্ৰতিষেধক যি দৰে তৈয়াৰ হৈছে সেই একে প্ৰযুক্তিৰে ক’ৰোনাৰ প্রতিষেধক তৈয়াৰ কৰা হৈছে৷
