বিহালী সমষ্টিৰ বৰগাঙৰ সাংবাদিকতাৰ পথাৰ খনৰ তেজাল ঘোঁৰা ” নিয়মীয়া বাৰ্তা”ৰ সাংবাদিক অমিতাভ বৰুৱাক অখিল ভাৰতীয় পত্ৰকাৰ মহাসভাই ২০২১ চনৰ ” ডাইমণ্ড নৰ্থ ইষ্ট এৱাৰ্ড” বঁটাৰ বাবে নিৰ্বাচিত কৰি মংগলবাৰে গহপুৰ শ্বহীদ কনকলতা ভৱনত উক্ত বঁটাৰে সন্মানিত কৰে যিটো সমগ্ৰ জিলাখনৰ বাবেই এক সু-খবৰ বুলি কব পাৰি। জানিব পৰামতে বৰগাং চাহ বাগিচাত চাকৰি সূত্ৰে বৰগাঙলৈ অহা অমিতাভ বৰুৱাই ১৯৭৬ চনত তেজপুৰৰ প্ৰকাশিত প্ৰয়াত ড.পূৰ্ণ নাৰায়ণ সিংহৰ “মহাজাতি” কাকতত সাংবাদিকতাৰ পাতনি মেলে ।২০১৮ চনত অসম চৰকাৰৰ দ্বাৰা সাংবাদিক পেঞ্চনপ্ৰাপ্ত অমিতাভ বৰুৱা অবিভক্ত শোণিতপুৰ জিলাৰ প্ৰথম গৰাকী সাংবাদিক। তেওঁৰ সামাজিক কৰ্মৰাজীৰ বাবে বিশ্বনাথ জিলা প্ৰশাসনে ২০১৬ চনত সম্বৰ্ধনা জনোৱাৰ উপৰি ২০১৬ চনতে অসম বিজ্ঞান সমিতি বিশ্বনাথ জিলাই ‘ জীৱন জোৰা সাধনা বঁটা, ২০২০ চনত গ্ৰীণ আছিয়ানা ৱেলফেয়াৰ চ’ছাইটিয়ে “কৃতি সাংবাদিকৰ বঁটাৰে বিভূষিত কৰে।
অমিতাভ বৰুৱা এতিয়ালৈ দুইকুৰিৰ অধিক অনুষ্ঠান প্ৰতিষ্ঠানৰ দ্বাৰা সম্বর্ধিত হৈছে। গতিকে ভাৰতীয় পত্ৰিকা মহাসভাই এইবাৰ বৰগাঙৰ জ্যেষ্ঠ সাংবাদিক তথা সমাজ কৰ্মী অমিতাভ বৰুৱাক ডাইমণ্ড নৰ্থ ইষ্ট বঁটা প্ৰদান কৰাত এগৰাকী উপায়ুক্ত ব্যক্তিকে উক্ত সন্মান যচা হৈছে বুলি পৰিগণিত হৈছে।