গুৱাহাটী,ডিচেম্বৰ ৩১: ‘Kaivalya’ । উন্মোচিত হ’ল বিনীশা দেৱীৰ নতুন উপন্যাস ‘কৈৱল্য’৷অসম প্ৰকাশন পৰিষদ আৰু সদৌ অসম পুথি প্ৰকাশক আৰু বিক্ৰেতা সংস্থাৰ যৌথ উদ্যোগত খানাপাৰাস্থিত পশু চিকিৎসা মহাবিদ্যালয়ৰ খেলপথাৰত চলি অসম গ্ৰন্থমেলা,গুৱাহাটী প্ৰাংগণত মণিকুট প্ৰকাশনৰ বিপণীত উপন্যাসখন উন্মোচন কৰা হয় ৷ উপন্যাসখন প্ৰকাশ কৰিছে মণিকুট প্ৰকাশনৰ হৈ মৃণাল কুমাৰ মিশ্ৰই৷এই অনুষ্ঠানত বিশিষ্ট সাহিত্যিক ,বিশ্লেষক ময়ূৰ বৰা,অৱসৰপ্ৰাপ্ত জিলা আৰু সত্ৰ ন্যায়াধীশ খগেন দহোতীয়া,লিমাৰিক কবি যোগানন্দ মহন্ত,সমাজকৰ্মী ঋষি পাঠক উপস্থিত থাকে৷
ইতিমধ্যে কেইবাখনো গ্ৰন্থৰ স্ৰষ্টা বিনীশা দেৱীৰ নতুন উপন্যাস কৈৱল্যত এটি মনপৰশা কাহিনী উপস্থাপন কৰা হৈছে ৷ মানুহৰ মনঃস্তত্ত্বক অধ্যয়ন কৰি সম্পৰ্কৰ ভেটিত ৰচিত গ্ৰন্থখন গ্ৰন্থমেলাৰ বিপণীত ইতিমধ্যেই উপলব্ধ হৈছে৷