দৈনন্দিন বাৰ্তা ক্ৰীড়া
মার্কিন কৃষ্ণাংগ নাগৰিক জর্জ ফ্লয়েডৰ হত্যাকাণ্ডৰ পাছত গৰিহণা দি সৰৱ হৈ পৰিছে ক্ৰিছ গেইল৷ ছচিয়েল মিডিয়াত তেওঁ উজাৰিছে ক্ষোভ৷ ৱেষ্ট ইণ্ডিজৰ এই কিংবদন্তি ক্রিকেটাজনে জনায় যে কেৱল ফুটবলতে নহয় ক্ৰিকেট খেলতো বর্ণবৈষম্যই বিৰাজ কৰিছে৷ দীৰ্ঘ কেৰিয়াৰত বিশ্বৰ বিভিন্ন দেশ ঘুৰা খেলুৱৈজনে নিজৰ অভিজ্ঞতাৰ কথা কৈছে৷ গেইলৰ সুৰত সুৰ মিলাই ৱেষ্ট ইণ্ডিজৰ প্রাক্তন অধিনায়ক ডাৰেন শ্বামীয়ে কয় যে আইপিএল খেলাৰ সময়ত তেওঁ বর্ণবৈষম্যৰ বলি হৈছে৷ নিজৰ ইনষ্টাগ্ৰামৰ পেজত শ্বামীয়ে কয় যে ছানৰাইজ হায়দৰাবাদৰ হৈ খেলোতে তেওঁক ‘কালু’ বুলি মাতিছিল৷ কিন্তু কেতিয়া, কোনে তেওঁক এই নামেৰে মাতিছিল সেয়া তেওঁ নির্দিষ্টকৈ জনোৱা নাই৷ তেওঁ লিখিছে, আইপিএলত ছানৰাইজৰ হৈ খেলোতে তেওঁক আৰু পেৰেৰাক কালু নামেৰে মাতিছিল৷ তেতিয়া তেওঁৰ খং উঠিছিল বুলি কয়৷