প্ৰধানমন্ত্ৰী নৰেন্দ্ৰ মোডীক সাক্ষাৎ কৰিবলৈ বিশেষ জেট বিমানেৰে যায় কাপুৰ পৰিয়ালৰ পুত্ৰ-বোৱাৰী, কন্যা-জোঁৱাই সকলো। (Kapoor Family)কৰীনা কাপুৰ খান আৰু নীতু সিঙে প্ৰধানমন্ত্ৰী নৰেন্দ্ৰ মোডীৰ সৈতে হোৱা বৈঠকৰ ছবি শ্বেয়াৰ কৰে। (Raj Kapoor)
১৪ ডিচেম্বৰত আৰ কে চলচ্চিত্ৰ মহোৎসৱলৈ আমন্ত্ৰণ জনাবলৈ কাপুৰ পৰিয়ালে প্ৰধানমন্ত্ৰীক সাক্ষাৎ কৰে।আলিয়া ভাট, ৰণবীৰ কাপুৰ, কৰীনা কাপুৰ, ছৈফ আলী খান, কৰিশ্মা কাপুৰ, ৰিদ্ধিমা কাপুৰ সাহনী, আদৰ জৈন, আৰমান জৈন, আৰু নীতু সিঙে প্ৰধানমন্ত্ৰীৰ সৈতে গ্ৰুপ ফটোৰ বাবে পোজ দিয়া।(Raj Kapoor’s 100th birth anniversary)
আনকি কৰীনাই প্ৰধানমন্ত্ৰীৰ পৰা পুত্ৰ টাইমুৰ আৰু জেহৰ বাবে অটোগ্ৰাফ ল’লে।
কৰীনাই ফটোখনৰ কেপচনত লিখিছে, ‘আমাৰ দাদা কিংবদন্তি ৰাজ কাপুৰৰ অসাধাৰণ জীৱন আৰু উত্তৰাধিকাৰক স্মৰণ কৰিবলৈ মাননীয় প্ৰধানমন্ত্ৰী শ্ৰী নৰেন্দ্ৰ মোডীক আমন্ত্ৰণ জনোৱাত আমি অতিকৈ সন্মানিত হৈছোঁ।
ৰাজ কাপুৰৰ শতবাৰ্ষিকী জন্ম তিথিৰ পূৰ্বে প্ৰধানমন্ত্ৰী নৰেন্দ্ৰ মোডীক সাক্ষাৎ কৰে বলীউডৰ তাৰকা ৰণবীৰ কাপুৰ, আলিয়া ভট্ট, নীতু কাপুৰ, কৰিশ্মা কাপুৰ, কৰীনা কাপুৰ খান, ছৈফ আলী খানকে ধৰি কাপুৰ পৰিয়াল। ৰাজ কাপুৰৰ ১০০ বছৰীয়া জন্ম জয়ন্তী উদযাপনৰ বাবে কাপুৰ পৰিয়ালে ফিল্ম হেৰিটেজ ফাউণ্ডেশ্যন আৰু ভাৰতীয় ৰাষ্ট্ৰীয় চলচ্চিত্ৰ আৰ্কাইভৰ সহযোগত প্ৰয়াত অভিনেতা-পৰিচালকগৰাকীৰ ছবি প্ৰদৰ্শন কৰি শ্ৰদ্ধাঞ্জলি জনোৱাৰ প্ৰস্তুতি চলাইছে। এই বৈঠকৰ উদ্দেশ্য হৈছে ৰাজ কাপুৰৰ উত্তৰাধিকাৰক সন্মান জনাই আগন্তুক চলচ্চিত্ৰ মহোৎসৱলৈ প্ৰধানমন্ত্ৰী মোডীক আমন্ত্ৰণ জনোৱা।
চলচ্চিত্ৰ মহোৎসৱত ৰাজ কাপুৰ অভিনীত ১০খন পুনৰুদ্ধাৰ কৰা ক্লাছিক ছবি প্ৰদৰ্শিত হ’ব, য’ত আছে আগ, বৰসাত, আৱৰা, শ্ৰী ৪২০, মেৰা নাম জোকাৰ। কৰীনা কাপুৰ খানে ছ’চিয়েল মিডিয়াত তিনিদিনীয়া এই অনুষ্ঠানৰ সবিশেষ শ্বেয়াৰ কৰি ২০২৪ চনৰ ১৩ ডিচেম্বৰৰ পৰা ১৫ ডিচেম্বৰলৈ দেশৰ ৪০খন চহৰ আৰু ১৩৫খন চিনেমাগৃহত ৰাজ কাপুৰৰ আইকনিক ছবিসমূহৰ বিশেষ প্ৰদৰ্শনত অংশগ্ৰহণ কৰিবলৈ অনুৰাগীসকলক আমন্ত্ৰণ জনায়। টিকটৰ মূল্য ১০০ টকাকৈ ৰখা হৈছে।
