বলীউডৰ জনপ্ৰিয় দম্পতীৰ ভিতৰত অন্য়তম ছৈফ আলী খান আৰু কৰীনা কাপুৰ খান। দম্পতীহালৰ সম্পৰ্ক সমীকৰণটো আন বহুতকৈ পৃথক হোৱাৰ একাধিক প্ৰমাণ পোৱা গৈছে। ছৈফে নিজে ছ’চিয়েল মিডিয়া ব্যৱহাৰ নকৰে। কিন্তু তেওঁৰ দৈনন্দিন জীৱনৰ ছবি কৰীনাৰ ছ’চিয়েল মিডিয়া পেজত পোৱা যায়।
বুধবাৰে এই বিখ্যাত দম্পতীয়ে কেনেদৰে প্ৰেম দিৱস উদযাপন কৰিছে সেই বিষয়ে অনুৰাগীসকলে কৌতুহলী হৈ পৰিছিল। কিন্তু কৰীনাই নিজেই ইংগিত দিলে যে তেওঁলোকে এই বিশেষ দিনটো বেলেগ ধৰণেৰে পাৰ কৰিছে। বুধবাৰে ইনষ্টাগ্ৰাম ষ্ট’ৰীজত অনুৰাগীৰ সৈতে এক চমু কথা-বতৰা শ্বেয়াৰ কৰে কৰীনাই।
স্বামীক ভেলেণ্টাইন ডে’ৰ শুভেচ্ছা জনাই কয় যে “ভেলেন্টাইন ডে’ৰ শুভেচ্ছা ছাইফু”। ইয়াৰ পিছতেই উত্তৰত ছেইফে বাৰু কি ক’লে? পত্নীৰ শুভেচ্ছাৰ উত্তৰত ছেইফে মাত্ৰ ‘ঠিক আছে’ বুলি ক’লে; আৰু এটাও অতিৰিক্ত শব্দ খৰচ কৰা নাছিল। এই ধেমেলীয়া ঘটনাটোৰ বিষয়ে কৰীনাই হাঁহিমুখীয়া ইমোজিৰে নিজৰ অনুৰাগীসকলক জনায়।
ইণ্ডাষ্ট্ৰীৰ ভিৰৰ মাজত অলপ মনে মনে থাকি ভাল পায় ছাইফে। তেওঁ বৰ ৰোমান্টিক নহয়, বহুবাৰ স্বীকাৰ কৰিছে। কিন্তু প্ৰেম দিৱসত দুয়োৰে সম্পৰ্কৰ সমীকৰণ মুকলিকৈ অনুৰাগীৰ সন্মুখত ৰখাৰ বাবে গৰিষ্ঠসংখ্যক অনুৰাগীয়ে প্ৰশংসা কৰে কৰীনাক।