গুজৰাটত বিজেপিয়ে ১২৮ৰ পৰা ১৪০খন আসন লাভ কৰাৰ সম্ভাৱনা আছে। কংগ্ৰেছে ৩১-৪৩ খন আসন আৰু আম আদমী পাৰ্টিয়ে ৩-১১ খন আসন লাভ কৰিব পাৰে। এম চি ডিত জয়ী হ’ব পাৰে আম আদমি পাৰ্টি।
গুজৰাট, হিমাচল, এমচিডি নিৰ্বাচন ২০২২: গুজৰাট, হিমাচল বিধানসভা আৰু দিল্লীত এমচিডি নিৰ্বাচনৰ বাবে ভোটদান কৰা হৈছে। এতিয়া চূড়ান্ত ফলাফলৰ বাবে অপেক্ষা। ফলাফলৰ পূৰ্বে এগজিট প’লত আম আদমী পাৰ্টিয়ে দিল্লীৰ এমচিডি আৰু গুজৰাটত বিজেপিত জয়লাভ কৰা দেখা গৈছে। আম আদমি পাৰ্টিৰ মুৰব্বী অৰবিন্দ কেজৰিৱালৰ এই এগজিট প’লত এই বক্তব্য। এম চি ডিত বিজয়ৰ আশা দেখি তেওঁ ৰাইজক অভিনন্দন জনাই গুজৰাটৰ বাবে অপেক্ষা কৰিবলৈ ক’লে।
অৰবিন্দ কেজৰিৱালে কয়, “দিল্লী এমচিডিৰ এগজিট প’ল দেখিলোঁ। দিল্লীৰ জনসাধাৰণক অভিনন্দন জনাইছো। গুজৰাটত আমাৰ দল নতুন, কাইলৈৰ পিছদিনালৈকে অপেক্ষা কৰক।” গুজৰাটৰ এগজিট প’লৰ ফলাফলক ইতিবাচক বুলি অভিহিত কৰি আপৰ আহ্বায়কগৰাকীয়ে কয় যে, ‘আত্মপ্ৰকাশৰ সময়ত যদি দলটোৱে ১৫-২০% ভোটৰ অংশীদাৰিত্ব পায় তেন্তে সেয়া ডাঙৰ কথা।
আজি ৬ ডিচেম্বৰ তাৰিখে বাবাছাহেব ভীম ৰাও আম্বেদকাৰৰ মৃত্যু বাৰ্ষিকী। এই সন্দৰ্ভত কেজৰিৱালে কয়, “মই সকলো ৰাইজক আহ্বান জনাব বিচাৰো যে তেওঁলোকে বাবা চাহেব আম্বেদকাৰৰ জীৱনৰ পৰা প্ৰেৰণা ল’ব লাগে। তেওঁ সকলো শ্ৰেণীৰ বাবে বহু কাম কৰিলে। তেওঁ শিক্ষাৰ ক্ষেত্ৰত সৰ্বাধিক কাম কৰিলে আৰু আমিও একে পথেই অনুসৰণ কৰো।”