এছ শংকৰে তেওঁৰ আগন্তুক ছবি ‘আৰ চি ১৫’ৰ শ্বুটিং লকেচন শ্বেয়াৰ কৰিছে। ছবিখনত ৰাম চৰণৰ সৈতে দেখা যাব কিয়াৰা আদৱানীক। ‘আৰ আৰ আৰ’ৰ সফলতাৰ পিছত অনুৰাগীসকলে আগ্ৰহেৰে অপেক্ষা কৰি আছে ৰাম চৰণৰ পৰৱৰ্তী ছবিৰ বাবে। অতি সোনকালে অভিনেতাগৰাকীক দেখা যাব ‘আৰ চি ১৫’ ছবিত। আজিকালি ছবিখনৰ শ্বুটিং পূৰ্ণগতিত চলি আছে। একে সময়তে ছবিখনৰ পৰিচালক এছ শংকৰে টুইটাৰত এটা পোষ্ট শ্বেয়াৰ কৰাৰ লগতে ছবিখনৰ পৰৱৰ্তী সূচীৰ স্থানৰ ফটো শ্বেয়াৰ কৰিছে। কিয়াৰা আদৱানী আৰু ৰামচৰণ অভিনীত ছবি ‘আৰ চি ১৫’ৰ শ্বুটিং অতি সোনকালে হায়দৰাবাদৰ চাৰ্মিনাৰৰ সমীপত হ’ব।
Commencing the next schedule of #RC15 at the iconic Charminar pic.twitter.com/uubP5P0aV1
— Shankar Shanmugham (@shankarshanmugh) February 9, 2023
অতি সোনকালে আৰম্ভ হ’ব আৰ চি ১৫ৰ পৰৱৰ্তী সূচীৰ শ্বুটিং
এছ শংকৰে চাৰ্মিনাৰৰ এখন ফটো শ্বেয়াৰ কৰি কেপচনত লিখিছে, ‘আৰ চি ১৫ৰ পৰৱৰ্তী সূচী আৰম্ভ হ’ব আইকনিক চাৰ্মিনাৰৰ পৰা।’ আপোনালোকক জনাওঁ যে কিয়াৰা আদৱানীয়ে সিদ্ধাৰ্থ মালহোত্ৰাৰ সৈতে বিবাহৰ পূৰ্বে ছবিখনৰ কিছু অংশৰ শ্বুটিং সম্পূৰ্ণ কৰিছে আৰু এতিয়া বিয়াৰ পিছত তেওঁ অতি সোনকালে অধিক শ্বুটিঙৰ বাবে ‘আৰ চি ১৫’ৰ দলত যোগদান কৰিব। যদিও পৰিচালকে শ্বুটিং স্থান প্ৰকাশ কৰিছে, কিন্তু এই সূচীৰ বাবে কেতিয়া শ্বুটিং আৰম্ভ কৰিব সেই কথা তেওঁ উল্লেখ কৰা নাই।
পিছুৱাই যাব নেকি কিয়াৰা আদৱানীৰ হানিমুন?
ৰাম চৰণৰ ছবি ‘আৰ আৰ আৰ’ৰ সফলতাৰ পিছত এইখনেই হ’ব তেওঁৰ আগন্তুক ছবি। যদিও ‘আৰ চি ১৫’ৰ খিতাপ এতিয়াও ঘোষণা কৰা হোৱা নাই। ইতিমধ্যে ছবিখনৰ শ্বুটিংৰ সময়ত ৰামচৰণ আৰু কিয়াৰা আদৱানীয়ে কিছু ফটো শ্বেয়াৰ কৰিছে। এইখন হ’ব একচন থ্ৰিলাৰ ছবি, য’ত ৰাম আৰু কিয়াৰাৰ যুটিয়ে দৰ্শকৰ দৃষ্টি আকৰ্ষণ কৰিব।
এতিয়া প্ৰশ্ন উত্থাপন হৈছে যদি সোনকালে ‘আৰ চি ১৫’ৰ শ্বুটিং আৰম্ভ হয়, তেন্তে কিয়াৰা আদৱানীৰ হানিমুনৰ কি হ’ব। তেওঁ ছবিখনৰ দলত যোগদান কৰিব নে হানিমুনৰ পিছত ‘আৰ চি ১৫’ৰ শ্বুটিং আৰম্ভ কৰিব। বৰ্তমান এই সকলোবোৰ সন্দৰ্ভত কোনো তথ্য প্ৰকাশ পোৱা নাই। ৰাম চৰণেও কিয়াৰাৰ বিয়াত উপস্থিত থকাৰ আশা আছিল যদিও কিবা কাৰণত তেওঁ সহ অভিনেত্ৰীৰ বিয়াত উপস্থিত থাকিব নোৱাৰিলে। অৱশ্যে ছ’চিয়েল মিডিয়াত অভিনন্দন জনাই দম্পতীহালক শুভেচ্ছা জনায়।